Rekordi i Facebook, shënon 1 miliardë përdorues!

Facebook ka arritur në pragun e një milliard përdoruesve. Lajmërimi është bërë nga Mark Zuckerberg në një mesazh të publikuar nga zyra e shtypit e rrjetit social. "Jam angazhuar përditë për të përmirësuar Facebook-un, shpresoj që një ditë të gjithë bashkë të arrijmë të lidhim botën"- shkruan Zuckerber.

Krahasuar me një miliardin e personave që përdorin Facebook të paktën një herë në muaj janë 600 milionë personat që përdorin rrjetin nga “smart-phone” apo ”tablet”-at. Që prej lëshimit të Facebook në 2004, janë regjistruar 140.3 miliardë lidhje miqësore, 1.130 miliardë "Like", 219 miliardë foto të shpërndara, ndërsa fotografitë e ngarkuara çdo ditë janë më shumë se 300 milionë.