Ekonomistja e ardhshme e botës së modës!

Bota pasrelës në ditët e sotme moderne janë pikat kyçe apo një mundësi e mirë për të rinjtë e sotëm, për t’u bërë me sa më shumë famë, të mirënjohur si dhe sigurisht të suksesshëm nëpër vende në të cilat vlerësohet ky profesion. Të jesh e bukur dhe të bëhesh e bukur janë dy gjëra krejtësisht të ndryshme dhe pikërisht personazhi ynë i sotëm, Denisa Osmanaj, ka një virtyt që zoti ia ka dhënë sapo ajo ka ardhur në këtë jetë, bukurinë dhe ëmbëlsinë që e karakterizon gjtihmonë. Për “Trup dhe Shpirt”, Denisa na rrëfen për një pjesë të jetës së saj, mbi botën e modës dhe skenës. “Gjithmonë jam ndjerë ndryshe nga mikeshat e mia, pasi ndërsa ato ishin duke konsumuar kohën e tyre thjesht me argëtime të përditshme, unë isha duke mbushur me buzëqeshje skenat”- thotë Denisa. Ajo e fillon të realizojë qëllimet e saja për tu bërë e njohur nga teleshikuesit duke bërë një reklamë mbi veshjet moderne në një nga televizionet më prestigjioze në vend. Pas ekspozimit të bukurisë së saj, sigurisht ofertat e Denisës do të ishin nga më të ndryshmet. Nga një reklamë e thjeshtë ajo kalon në pasarelë duke u buzëqeshur mijërave shikuesve. Denisa pohon që: “Është bukur të ndjehesh e veçantë dhe këtë ndjesi ta jep vetëm skena”. Ajo ka qenë pjesëmarrëse në evenimentin që mund ta themi që është ndër më të mëdhenjtë në Shqipëri “Miss Albania” në vitin 2010. Në këtë eveniment Denisa është vlerësuar për bukurinë dhe trupin e saj dhe ka arritur të kualifikohet në ndër më të mirat. Ajo gjithmonë ka ndjekur sloganin “Moda është pasioni im” të cilin e konsideron si një hapësirë boshe shumë e madhe ku mund të hyjnë shumë individë, por jo çdokush e gjen veten aty. “Unë kam gjetur hapësirën time në të dhe sigurisht bota e modës ka gjetur hapësirën e vet në zemrën time” - thotë Denisa. Ajo ka marrë pjesë nëpër sfilata të ndryshme në Shqipëri e diasporë , veçanërisht në Kosovë ku ajo ka qenë pika më interesante e këtyre evenimenteve. /Shekulli/