Zbulohen fotot, Seldi zyrtarisht i fejuar në Suedi!

Këngëtari në festat familjare të Dafinës, e mohoi fejesën në media. Ndërkohë që të gjithë presin duetin mes Seldit dhe Sinanit, ju njoftojmë se ai do të dalë ditët e fundit të këtij viti si surprizë për fansat e tyre, si dhe për festat e fundvitit. Ndërkohë që dy këngëtarët e njohur e kanë rikuperuar shoqërinë e tyre dhe tashmë shfaqen përsëri së bashku nëpër koncerte, pasi bashkimi bën fuqinë dhe Seldi e Sinani e kanë gjetur formulën e suksesit, bashkë paguhen dhe kërkohen më shumë! Destinacioni i tyre më shumë është Europa, vendet ku jetojnë shqiptarët, atje ku të gjithë çmenden pas Sinanit dhe Seldit. Herën e fundit ishin së bashku në Suedi ku performuan para një publiku të zjarrtë, e ndërsa Sinani ishte kthyer përsëri në Shqipëri, Seldi ka vazhduar argëtimin në Suedi, por në shoqëri të së fejuarës së tij, Dafina Zekës. Edhe pse nëpër shumë intervista kohëve të fundit nuk përmend aspak të fejuarën e tij Dafinën, ne kemi zbuluar edhe fotot e fundit në të cilat Seldi shfaqet krah Dafinës nëpër sebepe familjare të së fejuarës atje, siç është rasti në ditëlindjen e një mbese të Dafinës. Nga imazhet të cilat i kemi siguruar, vërehet se Seldi shoqëron të fejuarën te familja e saj kur ka ndonjë festë familjare. E meqë ai nuk e përmend aspak të dashurën e tij, ne ju tregojmë që Seldi është ende në lidhje me vajzën e gazetarit të njohur Milaim Zeka, edhe pse nuk e ka pohuar asnjëherë që nga fillimi kur ne publikuam fotot e para të çiftit, të cilat ishin bërë po ashtu në Suedi. Shteti skandinav ngelet një nga më të preferuarit për Seldin, dhe mund të ndodhë që në të ardhmen ai të vazhdojë të jetojë atje, pasi tashmë në familjen e Dafinës të gjithë e shohin si dhëndër të ardhshëm. Mundohet të jetë aq i fshehtë për jetën private, saqë asnjë fjalë nuk e ka folur deri më tani për Dafinën. Madje as kjo e fundit nuk është prononcuar aspak, edhe përkundër tentativave të shumta që kemi bërë. Por e rëndësishmja është që lajmi mbi çiftin asnjëherë nuk na ka ikur…