“Burg pa afat” për 80-vjeçarin, Shaban Norja!

DURRES- Gjykata e Durrësit ka dhënë sot masën e sigurisë “burg pa afat” për 80- vjeçarin, Shaban Norja.

Shaban Norja nuk ka patur të pranishëm asnjë prej të afërmve të tij gjatë seancës për masën e sigurisë. Ai kam pranuar se fëmija ka qenë i tij, dhe se kishte marrëdhënie të ngushta me vitimën prej 3-4 vitesh.

Norja ka përsëritur sërish në gjykatë se Ajshe Vata i kishte kërkuar që ta vriste, me qëllim që të mos e merrte vesh asnjeri për historinë e tyre.

Lidhur me kërkesën për abort, Norja ka thënë në gjykatë se ia kishte kërkuar këtë 18- vjeçares, por ajo nuk kishte pranuar pasi ishte besimtare.

Shaban Norja akuzohet për masakrimin e 18- vjeçares, Ajshe Vata, e cila vetëm pak ditë më parë u gjet pa kokë në një arë me misër disa metra larg shtëpisë së saj, dhe komshiut, Shaban Norja.

Në bazë të hetimeve, 80- vjeçari kishte abuzuar seksualisht për rreth 4 vite me viktimën, ndërsa 18- vjeçarja kishte mbetur shtatzënë prej tre muajsh.

Kush eshte Shaban Norja

Emri i Norjes nuk ishte i panjohur për Policinë. Më parë ai kishte qenë i dënuar me 9 vjet heqje lirie për një vrasje të mbetur në tentativë, në zonën e Shijakut. Babai i dy fëmijëve të rritur ishte i ve prej 6 vitesh, por në lagjen ku banon dhe më gjerë e njohin për precedentët e tij, disa zyrtarë e disa jo. Që në kohën e monizmit, Norja, sot 80 vjeç, ka qenë i arrestuar për veprën penale të vjedhjes. Prej asaj kohe ai nuk kishte pasur probleme me Drejtësinë, derisa u përsërit arrestimi për shkak të një tentative vrasjeje, pas një konflikti në Shijak. Ndërsa për familjarët e tij, të shoqen dhe fëmijët, flasin fjalët më të mira, e kundërta ndodh për Norjen. I lindur në shkurt të vitit 1932, në zonën e Shijakut e njohin si person që kishte ngacmuar dhe pasur lidhje me një sërë femrash. Megjithatë, nuk kishte krijuar incidente me to, derisa erdhi te ngjarja fatale, e marrjes së jetës në mënyrë makabre të studentes 18-vjeçare. Për Policinë, e vetmja dëshmi e gjallë në marrëdhëniet mes plakut dhe të resë është pikërisht ajo e Shaban Norjes. Ai është mbrojtur pas shoqërimit, se vajza e familjes Vata kishte kryer marrëdhënie me të me dëshirë. Nga dyshimet e Policisë rezulton se ai e ka dhunuar atë që në moshë të mitur, ende 14 vjeçe, nën kërcënimin e armës. Më pas, marrëdhënia mes tyre ka vazhduar deri 3 muaj më parë. Pikërisht në kohën e Muajit të Ramazanit ka ndodhur edhe ngjizja e fëmijës. Nga analizat e kryera dhe dëshmia e të moshuarit nuk ka asnjë dyshim tjetër mbi atësinë e fëmijës që kishte në bark Ajshe Vata. Nisur nga precedentët e mëparshëm, vetë Norja ka organizuar fshehjen e provave, duke tentuar të shmanget nga përgjegjësia, por përballë fakteve ai është dorëzuar, duke pranuar atësinë dhe vrasjen.