Gjaku ngadalëson plakjen, shihet si elisir i jetgjatesise!

Gjaku mund të ngadalësojë plakjen! Kjo teori rrezikon të mos mbetet më një supozim, sepse një studim duket se tregon efikasitetin e tij. Shkencëtari Saul Villeda i "Stanford University" ka paraqitur rezultatet e kërkimit që shpjegon mundësinë e rinimit të qelizave, duke përdorur pikërisht gjakun.

Eksperimenti është kryer në kafshë të vjetra, që kanë pësuar transfuzionin nga kafshë më të reja. Si përfundim ka rezultuar se gjaku i më të rinjve ka zvogëluar efektin e plakjes te më të vjetrit. "Bashkëjetesa e gjakut të kafshëve më të vjetër me ato më të rinjtë ka bërë që të rritej numri i qelizave burimore në tru. Për më tepër, edhe funksioni konjuktiv dukej tepër i përmirësuar", ka shpjeguar Villeda. Po me njerëzit? "Mendoj se një efekt i ngjashëm është i mundshëm edhe te qeniet njerëzore". Mesa duket më në fund është zbuluar edhe elisiri i jetëgjatësisë. Mbetet vetëm të priten testet tek njerëzit. /ikub/