Adelina Emini po e shijon suksesin!

Pas lansimit të albumit të saj dhe disa video-klipeve, këngëtarja Adelina Emini në fundvit po shijon edhe suksesin e parë duke u shpërblyer për punën e bërë. Këngëtarja Adelina Emini është duke shijuar suksesin kohëve të fundit. Ajo ka marrë dy çmime në spektaklin “Zhurma Show”, përderisa për dy javë rresht është e para në top-listën e Radio Plus ku lansohen këngët e “Këngës Magjike”, në të cilin festival po ashtu po merr pjesë. Pas lansimit të albumit të saj dhe disa video-klipeve, këngëtarja Adelina Emini në fundvit po shijon edhe suksesin e parë duke u shpërblyer për punën e bërë. Këngëtarja sapo ka marrë dy çmime në festivalin “Zhurma Shoë”, ndërkaq thotë se çmimet e kanë bërë të ndihet shumë mirë.

“Po ndihem shumë mirë. Jam shpërblyer me çmimin e “Best Styling” dhe “Best Interpret”. I vlerësoj shumë të dy çmimet, sidomos çmimin e interpretimit që mendoj që secili këngëtar do ta dëshironte këtë çmim, ngase interpretimi i secilit këngëtar dmth shumë”, thotë këngëtarja për Express.

Këto çmime këngëtares i kanë dhënë edhe më shumë vullnet për punë dhe për pjesëmarrje në festivale të tjera.

“Mendoj që çmimi është një shtytje e madhe për keëngëtarin dhe një motiv për të vazhduar tutje me krijime të reja dhe të mira. Unë mundohem shumë derisa të finalizoj një këngë dhe kur ajo në fund shpërblehet, është kënaqësi e madhe për mua që publiku i vlerëson”.

Tash ajo ia ka vënë syrin një festivali dhe një trofeu tjetër në Shqipëri.

Këngëtarja po merr pjesë në festivalin “Kënga Magjike 2012” në Shqipëri me këngën “Në përvjetor”.

“Kam konkurruar në festivalin prestigjioz në Shqipëri ‘Kënga magjike 2012’. Para dy javëve jam paraqitur në fazën e parë tek e diela shqiptare në TV Klan me këngën ‘Në përvjetor’, e cila po vlerësohet jashtëzakonisht shumë dhe po konsiderohet si baladë magjike. Kam marrë komente pafund për këtë këngë dhe jam shumë e lumtur që kënga nuk ka më shumë se dy javë që është lansuar dhe po pëlqehet shumë nga të gjithë”, ka thënë Emini.

Ndryshe, këngëtarja ka thënë se përpos pjesëmarrjes nëpër festivale të shumta nëpër Kosovë dhe Shqipëri nuk do të lë anash as videoklipet.

Madje, ajo qysh tani po mendon që t’ia realizojë klipin këngës “Në përvjetor” më të cilën po merr pjesë në “Kënga Magjike”.

“Jam në përgatitje për të realizuar vidoklipin e po kësaj kënge ‘Në përvjetor’. Do të realizoj diçka të veçante. Për detaje tjera nuk po flas ..le të mbetet befasi për publikun…”.

Kënga “Në përvjetor” është një baladë të cilën Adelina e kishte premtuar se do ja bëjë një videoklip edhe gjatë një interviste të mëparshme për Express.

Duke folur për albumin e saj të cilin e ka hedhur në shitje në fillim të këtij viti, Adelina thotë se ndihet mirë që albumi i saj ka pasur një sukses.

“Është pritur shumë mirë, madje i ka kaluar edhe pritjet e mia”, thotë ajo në këtë bisedë.

Përndryshe, “Në përvjetor” e Adelina Eminit po qëndron që dy javë në maje të top-listës së emisionit “Top Albanian Hits” në Radio Plus, një votim ky shumë i rëndësishëm për këngëtaren sepse nga ai varet edhe klasifikimi i mëtutjeshëm në Kënga Magjike.

Kënga “Në Përvjetor” me tekst të Big Bastës dhe me orkestrim të Darko Dimitrov konsiderohet një prej favoritëve për ta fituar çmimin e madh në Kënga Magjike.