Holanda: “Shqipëria ende nuk e meriton statusin e vendit kandidat”

“Shqipëria ende nuk e meriton statusin e vendit kandidat”. Ky ka qenë vendimi i qeverisë së mbretërisë së Holandës, e cila pas mbledhjes këtë te premte në Hagë, ka vendosur që në dhjetor në Bruksel të japë votën kundër anëtarësimit të vendit tonë në familjen europiane. Sikurse raportojnë te përditshmet holandeze, shkak nuk janë vetëm 3 kushtet e vendosura nga Brukseli zyrtar por edhe fakti se ne Shqipëri ende nuk është bërë sa duhet për të luftuar korrupsionin dhe krimin e organizuar. Ndërsa Holanda ka përgëzuar Komisionin Europian për presionin e vazhdueshëm që po i bën qeverisë shqiptare për forcimin e ligjeve dhe zbatimin e tyre. Së fundmi, zyrtarë të qeverisë holandeze kanë deklaruar se nuk janë të kënaqur me progresin e bërë nga Shqipëria, e për këtë arsye në muajin dhjetor vota për statusin e kandidatit për vendin tonë do te jetë negative.

/Shekulli Online/I.S./