Topi i Artë 2012, Messi, Iniesta e Ronaldo në listë... Ja 23 lojtarët!

Gara është zyrtarisht e hapur. Fifa dhe France Football publikuan listën e 23 finalistëve të parë për fitimin e “Topit të Artë” për vitin 2012, ku pretendentë kryesorë janë Cristiano Ronaldo, Mesi dhe Andres Iniesta, që sigurisht nuk mund të mungonin në këtë përzgjedhje paraprake.

Mes 23 emrave të parë, bie në sy valanga spanjolle, që ka plot 7 futbollistë të kombëtares, pasojë dhe e suksesit në kampionatin europian, ku përvec Iniestës dhe Xavit, gjendjen gjithashtu dhe Casillas, Busquets, Pique, Sergio Ramos dhe Xabi Alonso.

Klubi që ka më shumë përfaqësime është Reali i Madridit me gjashtë lojtarë në listë, ndërsa ndiqet nga Barcelona me pesë futbollistë. Italia është në garë ndërkohë me tre futbollistë, Pirlo, Buffon dhe Balotelli. Ajo që bie në sy është numri I pakët të finalistëve që propozojnë dy superfuqi të futbollit botëror, si Brazili dhe Gjermania, ku Selecao ka vetëm një lojtar në garë, Nejmar ndërsa për pancerat futbollistët janë dy, portieri Neur dhe Mesut Ozil.

Gjithashtu në listë janë dhe Didier Drogba, fitues I Champions me Chelsea dhe Zllatan Ibrahimovic, fitues i Këpucës së Artë në Itali sezonin e shkuar dhe aktualisht në forcë te PSG. I vetmi anglez që do të pretendojë për fitimin e trofeut është Wayne Rooney, ndërsa Holanda përfaqësohet vetëm me Robie Van Persie.

Një kandidat i fortë për tre finalistët shikohet dhe Radamel Falcao, fitues I Europa League dhe kryegolashënues I këtij kompeticioni sezonin e kaluar. Tre finalistët do të bëhen të ditur më datë 29 nëntor në Sao Paolo, ndërsa Cmimi do të jepet më datë 7 janar në Zurich. Në votim do të marrin pjesë trajnerët dhe kapitenët e 209 përfaqësuesve të Fifas si dhe 49 gazetarë të France Football që kompletojnë jurinë.

Lista e 23 futbollistëve :

Sergio Agüero (ARG/Manchester City)
Mario Balotelli (ITA/Manchester City)
Karim Benzema (FRA/Real Madrid)
Gianluigi Buffon (ITA/Juventus Turin)
Sergio Busquets (ESP/FC Barcelone)
Iker Casillas (ESP/Real Madrid)
Didier Drogba (CIV/Chelsea, puis Shanghai Shenhua)
Radamel Falcao (COL/Atletico Madrid)
Zlatan Ibrahimovic (SUE/Milan AC, puis Paris-SG)
Andrés Iniesta (ESP/FC Barcelone)
Lionel Messi (ARG/ FC Barcelone)
Manuel Neuer (ALL/Bayern Munich)
Neymar (BRE/Santos)
Mesut Özil (ALL/Real Madrid)
Gerard Piqué (ESP/FC Barcelone)
Andrea Pirlo (ITA/Juventus Turin)
Sergio Ramos (ESP/Real Madrid)
Cristiano Ronaldo (POR/Real Madrid)
Wayne Rooney (ANG/Manchester United)
Yaya Touré (CIV/Manchester City)
Robin van Persie (PBS/Arsenal, puis Manchester United)
Xabi Alonso (ESP/Real Madrid)
Xavi Hernandez (ESP/FC Barcelone)