Rrezikshmeria e “Sandy”, e ndikuar edhe nga Hena e plote!

Uraganit "Sandy" i është shtuar rrezikshmëria nga Hëna e plotë. Këtë ka dalluar një studim i NASA-s, që po monitoron situatën nga lart. Sipas Agjencisë Hapësinore Amerikane, dje sateliti ynë ka arritur fazën e të qenit e plotë dhe kjo mund të ketë kontribuar për të bërë stuhinë më të frikshme.

Megjithëse Hëna mund të jetë e padukshme për një pjesë të mirë të banorëve të bregut lindor të SHBA, nga retë e dendura të uraganit, efekti i saj është ndjerë jo pak. Pikërisht, efektet e Hënës së Plotë mbi tokë, amplifikojnë stuhinë, duke shtuar dimensionin dhe rrezikun e dallgëve. "Dallgët e larta dhe të rrezikshme janë të lidhura me Hënën e plotë - ka shpjeguar NASA -.

Qendra e Urganave ka vërejtur një kombinim të stuhisë së rrezikshme me baticat, gjë që bën që zonat normalisht të thata afër brigjeve të përmbyten nga niveli i ujrave në shtim të vazhdueshëm". Me Hënën në fazën e plotë të saj, baticat mbi Tokë shtohen rreth 20%. Një nivel i tillë i detit, bashkuar me forcën intensive të “Sandy”, mund të ketë arritur lartësi nga 1.8 deri 3.3 metra në disa zona. /ikub/