Facebook ndryshon serish, po testohet “TimeLine” i ri!

Facebook është gati të ndryshojë sërish fytyrë, pas revolucionit të “TimeLine” të vitit të kaluar. Në të vërtetë, kjo mënyrë pasqyrimi të profilit të përdoruesve nuk ka gjetur kurrë aprovim të plotë, si për strukturën e ndarë në dysh që bën të ndërlikuar shpërndarjen e përbërësve, ashtu edhe për parametrat e rinj mbi privatësinë, që kanë futur panik te mijëra përdorues.

Tashmë, zhvilluesit e Facebook duket se kanë gati të hedhin një version të ri të “TimeLine, që parashikon në profilet personale ndarjen e postimeve vetëm në anën e majtë, ndërsa nga ana tjetër do të listohen të gjithë aktivitetet e përdoruesve. Postimet nuk do të jenë të vendosura përgjatë një linje kronologjike, ndonëse do të jetë e mundshme të navigohet sipas datës, duke përdorur një “TimeLine” të vogël, lart, në të djathtë. Kurse e gjithë kolona në të djathtë do të përmbajë informacione si miqësi, aktivitete dhe “like” të përdoruesit, por nuk do të shoqërojë deri në pafundësi kolonën e majtë, aty ku do të jenë vetëm postimet e bëra.

Po cila është arsyeja e një ndryshimi të tillë? Mesa duket, Facebook ka ndërmend mbi të gjitha të eliminojë përhapjen e postimet përgjatë dy kolonave, gjë që është konsideruar e parehatshme nga përdoruesit. Mirëpo, më tepër një ndryshim i tillë është për të sjellë një farë uniformizimi midis versionit klasik të rrjetit shoqëror dhe versionit “mobile”, sektor në të cilin Facebook ka investuar të gjithë energjitë e veta, duke parë përhapjen e “smartphone”-ve dhe “tablet”, gjë që rrit përdorimin e versionit 'mobile'. Për momentin, faza e testimeve do të prekë vetëm një grup të vogël përdoruesish, për t’u zgjeruar më vonë tek të gjithë.