Monika dhe Ulpiana, “të mërzitshme” në ekran?!

Monika Stafa, e njohur si spikere e lajmeve dhe Ulpiana Lama, e cila u bë e njohur gjatë sezonit të kaluar si komentuese e të dielave të Alban Dudushit, janë dy imazhet televizive të këtij sezoni në Top Channel, që kanë marrë përsipër prezantimin e programeve të rëndësishme në këtë ekran. Ulpiana moderon programin e përditshëm Pasdite në Top Channel, ndërsa Monika shfaqet të dielave në formatin Kush e ngriti flamurin. Mirëpo, duket se të dyja gazetaret janë shfaqur zhgënjyese për faktin se si njëra dhe tjetra janë komentuar me nota negative në rrjetet sociale duke u cilësuar “të mërzitshme” – shkruan Panorama Plus. Ato komentohen si prezantuese të mërzitshme, që s’munden t’u japin dot as gjallëri dhe as qoftë edhe ndonjë moment të vogël argëtues formateve të tyre. Ulpiana ka marrë komente të mira për pamjen e saj prej zonje të vërtetë dhe që i jep rëndësi dukjes, ndërsa Monika për bagazhin e saj në fushën e historisë, të dëshmuar edhe nëpërmjet dokumentarëve të transmetuar në televizion. /Telegrafi/