'SHBA zgjedh', 3 arsye pse fiton Obama; 3 arsye pse fiton Rumni!

Se kush do të jetë presidenti i SHBA-ve për katër vitet e ardhshme, kjo mund të mësohet vetëm pas mesnatës. Por gazeta “Los Angeles Times”, jep tre arsye se përse secili nga dy kandidatët mund të shpallet fitues.



Arsyet pse fiton Obama



Optimizmi për ekonominë: Po, papunësia mbete e lartë, 7.9% dhe rritja ekonomike mbetet e ulët. Por ka një ndryshim mes rritjes së ngadaltë dhe mos rritjes ekonomike. Por nga vera, numri i amerikanëve optimistë për të ardhme ekonomike është rritur. Kjo është në favor të Obamës.

Latinët: Dekadën e fundit Karl Rove dhe strategë të tjerë Republikanë kanë ngritur shqetësimin se nëse partia e tyre nuk arrin të gjejë një zgjidhje për shtetet me rritje të shpejtë të popullsisë latine, rrezikon të humb zgjedhjet. Rumni gjatë fushatës ka mbajtur një qëndrim të fortë kundër emigrantëve ilegalë. Sondazhet tregojnë se Obama do të marrë 70% të votave të popullsisë latine.

Beteja e nëndheshme: Strategët e Obamës, David Axelrod dhe David Plouffe si edhe menaxheri i fushatës, Jim Messina, kanë bërë të ditur se janë mobilizuar që prej një viti për identifikimin, regjistrimin dhe mobilizimin e mbështetësve që mund të bëjnë diferencën në garat e ngushta.





Arsyet pse fiton Rumni



Performanca ekonomike: Po, optimizmi është në rritje, por nuk mund të mohohet se shumica e amerikanëve besojnë se amerikanët besojnë se vendi ka një drejtim të gabuar dhe nuk kanë besim se politikat e Obamës për ekonominë do ta zgjidhin këtë. Ekonomia konsiderohet si prioriteti kryesor i votuesve.

Fshehja e votës: Nisur nga posterat e Republikanëve, shumë besojnë se sondazhet publike të organizuar nga mediet, universitetet dhe qendrat kërkimore, kanë ulur votat për Republikanët. Në zgjedhjet e vitit 2004, sondazhet tregonin se numri i votuesve të identifikuar ishte i njëjtë për të dy partitë kryesore. Në 2008, Demokratët kishin një avantazh të dukshëm. Shumë mendojnë se situatë është e ngjashme me vitin 2004 dhe nëse kjo është e vërtet atëherë Rumni do të marrë më shumë vota se sa kanë treguar sondazhet.

Elektorati i moshuar dhe i bardhë: Në vitin 2006, morën pjesë në votim 61.6% e zgjedhësve. Ky ishte niveli më i lartë që prej vitit 1971. Shumë analistë presin që pjesëmarrja këtë vit të jetë më e vogël. Por sa dhe kush do të qëndrojë në shtëpi? Specialistë presin pjesëmarrja të ulët tek të rinjtë dhe minoriteteve. Ndërsa pritet që pjesëmarrja e të moshuarve dhe të njerëzve pa ngjyrë të rritet dhe kjo gjë do të favorizonte dukshëm Rumnin. /Shekulli/