Eli Fara, Artiola Toska dhe Ermali, pagesa të larta për koncertet në Australi!

Europa ka filluar të shterohet, kriza në të katër anët ka bërë që këngëtarët tanë të kërkojnë një tjetër zgjidhje për të fituar, siç kanë fituar më herët nëpër koncerte. Pas Amerikës, një tjetër destinacion tjetër i preferuar i tyre ka filluar të bëhet tregu i largët i Australisë, atje ku shqiptarët ndoshta nuk e ndiejnë krizën aspak dhe pagesat për këngëtarët që udhëtojnë nga Europa janë shumë të majme, saqë nuk preferohen as të tregohen shifrat. Një fat të tillë ditët që kaluan e kanë pasur tre këngëtarët e njohur Eli Fara, Artiola Toska dhe Ermal Fejzullahu, të cilët kanë realizuar një tur koncertesh nëpër disa qytete të Australisë ku jetojnë shqiptarët. Nga imazhet që kemi siguruar, shihet qartë atmosfera e krijuar nga këngëtarët e njohur, të cilët kanë shtyrë publikun të hedhin para nga të gjitha anët. Për të mësuar më shumë ne kontaktuam me organizatorin e koncerteve i cili, edhe pse nuk pranon të flasë mbi pagesat që i ka bërë Elit, Artiolës dhe Ermalit për angazhimin në Australi, mes të tjerave tregon: ”Koncerti ka shkuar për mrekulli, kanë kaluar shumë mirë, njerëzit po më thonë që kanë qenë ndër këngëtarët më të mirë, përzgjedhja e tyre ka qenë e qëlluar. Ndërsa për pagesat është një gjë private, por sidoqoftë rëndësi ka që publiku ka qenë i kënaqur, kaq mund t’ju informoj”, thekson organizatori i koncerteve, z. Xhemal Abazi. PanoramaPlus