E bukur nga dora e Adelinës!

Quhet Adelina Hasani dhe është nga Prishtina, një vajzë bukuroshe e cila tashmë ka filluar që të zbukurojë dhe të tjerët. Nuk ka studiuar për make up por si duket hobin e saj do e kthejë në profesion të cilin e dëshiron shumë që e vogël. Gjeneratat kalojnë ndërsa Adelina një ditë pritet të jetë një nga emrat më të njohur për grim. ‘’Me make up merem që shumë e vogël, më ka pëlqyer gjithmonë dhe ku kam gjetur shminka i kam vendosur në fytyrë, kam pasur kululla barbi shumë dhe bëja prova aty duke u’a prerë flokët dhe i zbukuroja. Në shkollë të mësme më vonë kam filluar të grimoj veten më bukur pasi fillova të rritem dhe të zbukurohem e më pas edhe mikeshat e mia pasi i’u pëlqente mënyra si grimoja veten, duke e përvetësuar këtë profesion. Me make up jam shumë e lidhur dhe ndihem shumë mirë kur bëj make up të tjerëve, futem në botën time, më pëlqen kur dikë e bëj të ndihet mirë me punën time. Nuk udhëtoj asnjëherë pa shminkat, ndërsa më seriozisht me këtë punë kam filluar prej vitit të kaluar kur jam kthyer nga Tetova kur mbarova studimet atje dhe pas punës në Tv Alb në Shkup, gjë që ishte një përvojë e bukur për mua ndërsa kur erdha në Prishtinë fillova më seriozisht të merem me make up duke më ftuar shumë femra që t’i grimoj. Puna ime tash ka të bëj me ftesat që më bëhen për fotosesione, party, evente të ndryshme, klipe e sfilata’’, thekson Adelina Hasani e cila vazhdon me shumë sukses të kryej punën e saj. Të gjithë ata që duan të dinë se çfarë make up bën ajo, sigurisht që duhet të provojnë punën e saj.