Yjet shqiptare ia urojnë fitoren Obamës!

Edhe pse u rizgjodh president në Shtetet e Bashkuara të Amerikës, yjet e estradës shqiptare nuk kanë ngurruar për të përshëndetur riemërimin e Barack Obamës në krye të shtetit më të fuqishëm në botët. Pas publikimit të fitores së Presidentit Obama, në rrjetet sociale Twitter dhe Facebook vërshuan me të madhe urimet e shumta dhe foto të presidentit, duke i bërë urime me gjithë zemër për këtë fitore. Aktorja shqiptare Eliza Dushku në faqen e saj ka shkruar: “ Obama tash më dërgoi në gjumë të qetë, nesër do të jetë një ditë me plot harmoni dhe begati”. Bukuroshja Argjentina Ramosaj po ashtu ka postuar një foto të presidentit, duke shkruar: ”Edhe 4 vite tjera”, ndërsa edhe kushërira e saj, Beatrix Ramosaj, e ka uruar Obamën për fitoren e radhës si njeriu më i fortë në botë. E Bleona, e cila tashmë një kohë jeton në Amerikë, u gëzua më së shumti, duke e cekur që në asnjë moment ajo nuk ka dyshuar se do të ndodhte e kundërta. Ndërsa Dj Flow e ka uruar Obamën me një sens të butë humori, duke shkruar ”Barack Obama, urime djali jem”. /Telegrafi/