Zbulimi, ora e vdekjes tuaj fshihet në një gen!

Ekziston një variant gjenetik brenda trupit të njeriut, që ka të paracaktuar orën e ditës në të cilën ka më tepër mundësi të vdesë

Shkencëtarët kanë bërë një zbulim që, në pamje të parë, duket tepër e pabesueshme. Ekziston një variant gjenetik brenda trupit të njeriut, që ka të paracaktuar orën e ditës në të cilën kemi më tepër mundësi për të vdekur. Studiuesit ekzaminuan modelet e gjumit të 1200 pacientëve rreth 65-vjeçarë dhe si përfundim zbuluan se ata me varianin më të zakonshëm të një nukleotidi në genin e quajtur "periudha 1", kanë tendencë të zgjohen nga gjumi më përpara se ata me variantin më pak të zakonshëm.

Mbi të gjitha, ata të grupimit të parë kanë edhe tendencën edhe të vdesin, mesatarisht, pak përpara orës 11:00, ndërsa më gjumashët kanë prirje të vdesin pak përpara orës 18:00. "Për fat nuk mund të paracaktohet dita, por ekziston vërtet geni që e ka të caktuar orën se kur do të vdesë një njeri", shpjegon Clifford Saper, shef i departamentit të "Beth Israel Deaconess Medical Center" në Boston, ku është bërë zbulimi. Natyrisht, studiuesit shpresojnë që rezultatet, që kanë ardhur aksidentalisht gjatë kërkimit për Alzheimerin dhe Parkinstonin, do të ndihmojnë për të përcaktuar se kur pacientët duhet të monitorohen më afër dhe kur duhet të marrin ilaçe. /ikub/