100-vjetori; pronarët e lokaleve hapin thesin për këngëtarët!

Duket se ky 100-vjetor Pavarësie më shumë se kushdo tjetër do të festohet nga këngëtarët, të cilët mezi e kanë pritur këtë ditë për t’u paguar ashtu siç do dëshironin. Kështu, përveç disa emrave të njohur, si: Aurela Gaçe, së bashku me motrën e saj Blerta, Sinani dhe Seldi, Poni etj., që janë ftuar të këndojnë në Amerikë, disa emra të njohur do të qëndrojnë në Tiranë për të kënduar atë natë. “Te Stela Beergarden” me muzikën më të mirë shqiptare me këngët që i janë kënduar Shqipërisë ndër vite, më 28 e 29 Nëntor do të këndojnë: Juliana Pasha, Aleksandër Gjoka, Alban Skënderaj, Kejsi Tola, Olta Boka dhe Pirro Çako. Në një tjetër club në Tiranë pikërisht “Cavaliero” do të këndojnë: Era Rusi së bashku me Sidrit Bejlerin, Beatrix Ramosajn, Valon Shehun, etj. Elton Deda, Eneda Tarifa, Kamela Ismalaj e Marsela Çibukaj do të këndojnë në “Rockstok”, po në Tiranë. Flori Mumajesi dhe Klajdi Haruni janë ftuar të këndojnë në Korçë. Po ashtu ftesa për të kënduar në këtë 100-vjetor Pavarësie kanë marrë edhe Eli Fara, Shpat Kasapi, Xhensila Myrtezaj, Zajmina etj. PanoramaPlus