Basha, vizitë në familjen e gruas që ka moshën e Pavarësisë së Shqipërisë!

Kreu i Bashkisë së Tiranës, Lulzim Basha, bëri një vizitë në familjen e znj. Hanke Kita, e cila ka lindur më 15 tetor të vitit 1912 ka zgjedhur që në këtë 100 vjetor, të kujtojë ata që kanë lindur në vitin 1912. Znj. Kita, tashmë 100 vjeç ka qenë edhe pjesë e Luftës Nacional - Çlirimtare. Kreu i Bashkisë i ka dhuruar zonjës Hanke Kita simbolin e 100-vjetorit të Pavarësisë, me mbishkrimin: “Dëshmitare e 100 viteve të Pavarësisë”. Anëtarët e familjes Kita e vlerësuan këtë gjest të kryebashkiakut Basha. Mbesat e znj. Hanke e konsideruan një dhuratë të çmuar për gjyshen e tyre, në këtë 100-vjetor të Pavarësisë dhe një simbol që do ta ruajnë, në kujtim të gjyshes së tyre, sot 100 vjeç dhe të 100 vjetorit të Pavarësisë.

/Shekulli Online/ E.L/