Shqipëria në festë, vetëm një ditë nga ndan nga dita e madhe!

Vetëm një ditë na ndan nga jubileu i madh, ku të gjithë shqiptarët do kenë mundësinë të kremtojnë së bashku 100-vjetorin e Pavarësisë së Shqipërisë.

Festa ka filluar tashmë në cdo qytet shqiptar, ndërsa flamuri ynë kombëtar ka mbuluar rrugët, sheshet dhe ballkonet. Tirana dhe Vlora do jenë dy qendrat kryesore të kremtimit të festës.

Edhe gjatë ditës së sotme në kryeqytet po zhvillohen aktivitete të ndryshme me rastin e 100-vjetorit të pavarësisë. Vazhdon të jetë i hapur panairi “Blej Produkte Shqiptare” tek rruga Murat Toptani, ndërsa rreth orës 10:00 po në këtë rrugë është parashikuar të mbahet një koncert me këngëtarë të rinj. Aktivitetet do vijojnë deri në orën 20:00.

10:00 Vazhdon panairi “Blej Produkte Shqiptare”
10:00 Koncert me këngëtarë të rinj (rruga “Murat Toptani”)
11:00 Prezantimi i përmbledhjes me këngë patriotike (Teatri i Metropolit)
15:00 Ceremonia e përurimit të shtatores së heroit Adem Jashari (rruga e Durrësit)
20:00 Koncert me grupe rock, me këngë patriotike (rruga “Murat Toptani”) Renis Gjoka; Kamela & Top Show Band; Valon Shehu; Grupi Na; Grifshat; Vedat Ademi. /BS/