Shaqiri numër një në Zvicër!

Futbollisti shqiptar, Xherdan Shaqiri ka fituar epitetin e futbollisti më të mirë në Zvicër për vitin 2011/12. Ai mori edhe çmimin e futbollistit më të mirë të ri. Xherdan Shaqirir vazhdon të mbizotëroi në futbollin zviceran. Mesfushori shqiptar, i cili ka lindur në Zhegër të Gjilanit, ka fituar çmimin e futbollistit më të mirë në Zvicër për edicionin, 2011/12, në natën gala në “Stade de Suisse”, në çmimin ‘Swiss Golden Player Aëards 2012’ ka fituar më shumë vota nga gazetarët e ndryshëm sportiv. Shaqiri gjatë kësaj kohe ka djersitur fanellën e Baselit. Ai së bashku me mesfushorin tjetër shqiptar, Granit Xhaka ishin ndër më të merituarit që skuadra të fitoi titullin e dytë më radhë në kampionatin zviceran, ndërkaq që këtë radhë u stolis edhe Kupën e Zvicrës. Pikërisht për shkak të suksesit që tregoi me Baselin, Shaqiri u kërkua edhe nga një sërë skuadrash me nam në futbollin evropian. Ai gjatë verës kaloi te gjiganti gjerman, Bayern Munchen. Paraqitjet e tij me bavarezët nuk kanë munguar derisa ai ka rrëmbyer zemrat e adhuruesve në “Allianz Arena”. Shaiqirit e bënë më të çmueshëm edhe fakti, që skuadra e Baselit që nga largimi i tij nuk po arrin të përsërit lojërat dhe rezultatet e viteve të fundit. Për këtë shkas drejtuesit e sajë bënë ndryshime në shtabin profesional për çka ishin kritikuar nga vetë Shaqiri. Sigurisht se edhe paraqitjet impresive me përfaqësuesen e Zvicrës kanë qenë vendimtare në vlerësimin e gazetarëve. Ai është dalluar ën kualifikimet e botërorit “Brazili 2014”, duke i ndihmuar Zvicrës të prijë Grupin E. Shaqiri është i pakontestueshëm në përbërjen e përzgjedhësit Ottmar Hitzfild, i cili kishte deklaruar se edhe nëse Xherdani nuk do të luante rregullisht te Bayerni ai e ka vendin e rezervuar në përbërjen e parë. Krahas futbollistit më të mirë, gazetarët Xherdan Shaqirin e vlerësuan edhe me çmimin si lojtari më i mirë i ri, ndërkaq ata votuan “gardianin” e portës së Baselit, Sommer, si portierin më të mirë në Zvicër. Ndërkaq Ndërkohë, Alexander Frei është zgjedhur sulmuesi më i mirë, derisa Aleksander Farnerudit të Young Boys është zgjedhur mesfushori më i mirë.