Festimet për 100 vjetorin e Pavarësisë në Vlorë!

Kryeministri Berisha mbërriti në mbrëmje, në Vlorë, i pritur nga mijëra qytetarë vlonjate, që ndodhen atje për të festuar shpalljen një shekull më parë të pavarësisë. Kryeministri Berisha përjetoi me emocion të veçantë pritjen e jashtëzakonshme që iu rezervua nga qytetarët e Vlorës, të cilët e shoqëruan në një pjesë të rrugës nga Levani deri në sheshin qendror të qytetit. Mes entuziazmit të qytetarëve, Kryeministri Sali Berisha solli Përshëndetjet më vëllazërore nga Vlora e flamurit,sic u shpreh kreu I qeverisw, Vlora e Ismail Qemal Vlorës, Vlora e pavarësisë. Do të lexoj këtu, para jush,tha kryeministri, këto pak fjalë që shkrova në këtë pergamenë: Vlorës, qytetarëve të saj, Ismail Qemal Vlorës e burrave të tjerë të kombit, që shpallën në këtë qytet të përjetshëm, në 28 nëntor të viti 1912, pavarësinë e Shqipërisë, pavarësinë e Shqipërisë etnike, Shqipërisë së të gjitha trojeve shqiptare nga Preveza në Preshevë, nga Shkupi në Podgoricë. Kryeministri Berisha shprehu nderimin ndaj babait të pavarësisë së Shqipërisë Ismail Qemal Vlorës, burrave që firmosën aktin e pavarësisë, qytetarëve të Vlorës e të mbarë Shqipërisë!