Berisha luan kartën e fortë, të ‘Shqipërisë së Madhe’, alarmohen vendet fqinje!

Flamuri shqiptar kuqezi me shqiponjën dy krenare, po valëvitet në të gjithë vendin, me rastin e festimeve për 100-Vjetorin e Pavarësisë. Kryeministri, Sali Berisha, prej ditësh ka bërë thirrje për unifikim etnik, të gjithë shqiptarëve që jetojnë në shtet të ndryshme në Ballkan, në përpjekje për të rigjallëruar nacionalizmin e fortë që është refuzuar nga opozita shqiptare.

Dje, në mbrëmje gjatë një ceremonie në Tiranë, për inaugurimin e bustit të Adem Jasharit, simbol i rezistencës së shqiptarëve të Kosovës, Berisha tha se, “të gjithë ne që përfaqësojmë territoret etnike shqiptare, jemi të angazhuar për të krijuar atë për të cilët martirët tanë kanë luftuar anembanë vendin – bashkimin e shqiptarëve në tokën tonë”.

Duke folur para liderëve politik që përfaqësojnë shqiptarët e Kosovë dhe të Maqedonisë, Berisha ka shtuar se, “ëndrra e bashkimit është ëndrra e vërtetë evropian e vendit”, duke iu referuar bashkimit brenda BE-së.

Deklarata e tij ka alarmuar vendet fqinje. Presidenti i Maqedonisë, Gjorge Ivanon, anuloi vizitën e parashikuar në Tiranë, ku ishte ftuar të për marrë pjesë në festimin e 100-vjetorit të Pavarësisë së Shqipërisë. Anulimi u motivua nga incidentet në kryeqytetin e Shqipërisë, ku makina e kryeministrit të Maqedonisë Nikolla Gruevski u qëllua me vezë dhe protestuesit dogjën flamurin e Maqedonisë.

Shumë analistë besojnë se thirrje e tij është më shumë në kuadër të zgjedhjeve të ardhshme parlamentare që pritet të mbahen në qershor të vitit 2013-të se sa një plan realist.

/Ansa/Shekulli Online/Përgatiti: F.S./