Berisha: Rita Ora më hoqi lodhjen, do kërceja në shesh, por ra shi!

Gjatë një konference për shtyp, kryeministri Berisha e ka vlerësuar festën për 100-vjetorin e Pavarësisë si më të madhen e ekzistencës së shqiptarëve, ndërsa vlerësoi lart artistët që çmendën sheshin “Nënë Tereza”. Ai vlerësoi këngëtare me origjinë shqiptare Rita Ora, ndërsa tha se do kishte kërcyer në shesh nën ritmet e muzikës së saj, po të mos kishte rënë shi. “Falenderim të vecantë superstarit të Britanisë së Madhe dhe SHBA, Rita Orës, të them është si Madona është pak, ajo është dicka midis Beyonce dhe Rihannës, është e mrekullueshme. Përvec zërit të saj, Rita është një atdhetare e flaktë…e edukuar nga një familje e shkëlqyer ajo pranon që është shqiptare dhe kosovare. Ishte padyshim mbyllja më e shkëlqyer e festës. E gjithë lodhja ime e akumuluar në një muaj dhe më gjatë u shkri, ishte shiu po unë isha i gatshëm të vallëzoja bashkë me të rinjtë në shesh nën ritmet e saj”, komentoi Berisha.
(ma.ar/BalkanWeb)