“Rita Ora më tradhëtoi me 20 meshkuj”

Rob Kardashian i ka dhënë fund lidhjes me këngëtaren shqiptare Rita Ora. Përveç kësaj ai e ka akuzuar Ritën se e ka tradhtuar me 20 të tjerë. Kardashian, vëllai i Kim Kardashian prej disa muajsh ishte i lidhur me këngëtaren shqiptare, lidhje e cila u mbajt sekret. Pasi lajmi është përhapur në mediet botërore, Rob ka reaguar nëpërmjet profilit të tij në “Twitter”, ku thotë se: Është e neveritshme se si një femër mund t’ia japë trupin e saj më shumë se 20 meshkujve në më pak se një vit kohë kur po përpiqet të nisë karrierën”. “Si mundet që një femër e cila është shumë e zënë me punë në fillimin e karrierës të ketë kohë të jetë me kaq shumë meshkuj në një kohë?”, vijon ai. “Ajo më tradhtoi me afërsisht 20 të tjerë kur ishim së bashku, po imagjinoj se me sa mund të shkojë tani që jemi të ndarë”, shkruajti Rob në “Twitter” dhe pas disa orëve i fshiu mesazhet. Por pavarësisht kësaj, thuhet se arsye e ndarjes së tyre është për shkak të vështirësive që krijon distanca e largët dhe ngarkesa në punë. Ndërkohë Rita ende nuk ka reaguar ndal deklaratave të Rob. /The Sun/Shekulli Online/Përgatiti: F.S./