Teoria e re: Këngëtari Psy do i paraprijë apokalipsit!

Një teori e çmendur ka nisur të qarkullojë në internet. Këngëtari Psy, i njohur në mbarë botën për hitin e tij “Gangnam Style”, do të sjellë apokalipsin, e parashikuar në datën 21 dhjetor nga kalendari maja. Në YouTube kanë nisur të qarkullojnë video ku koreano-jugori Psy shihet si kalorës i apokalipsit.

Po pse një teori e tillë?

Mesa duket bëhet fjalë për një profeci të Nostradamusit. Ai ka shkruar se: “Mëngjesi i heshtur i fundit do të vijë duke kërcyer si kalë kur numri i rrathëve të arrijë në nëntë”. Me fjalë të tjera, kërcimi i kalit është kërcimi tipik i Gangnam Style, që e njeh thuajse çdo njeri në planet.

Kurse nëntë rrathët do jetë numri i klikimeve në YouTube. Të premten mendohet se kënga do të arrijë shifrën rekord të 1 miliard klikimeve, që do të thotë nëntë zero ose nëntë rrathë. /BS/