Champions, shorti i 1/8: Real Madrid-Man. United!

Një Champions i spektaklit. Goglat e Nionit përcaktuan ciftet e 1/8 të këtij kompeticioni duke mos u treguar aspak të mëshirshme me të mëdhate e kontinentit, një kaprico që shërben në favor të lojës së bukur, pasojë dhe e tre cifteve “bombë” që mund të konsiderohen fare mirë dhe si finale të parakohshme të këtij kompeticioni. Në fakt, fati nuk mund të thuhet se i buzëqesh italianëve të Milanit, që gjejnë përballë skuadrën pretendente për fitoren finale Barcelonën. Kuqezinjtë nuk është se kishin shumë alternativa meqënëse, rivalët e tjera kishin dalë dhe e vetmja mundësi ishte peshkimi i blaugranave, që kuqezinjtë i eleminuan dhe në cerekfinalet e edicionit të shkuar. E vecanta më e madhe megjithatë do të jetë sfida mes Mourinho-s dhe sir Alex Ferguson.

Dy miqtë e vjetër do të rikthehen të sfidohen sërish me njëri-tjetrin në një Real Madrid – Man. Utd të denjë për një finale ëndrrash. Interesant fakti që vetë skocezi e ka sponsorizuar Mourinhon dhe si pasuesin e tij në stol dhe tashmë do të ketë mundësinë ta vendosë në provë dhe në fushën e lojës. Cifti i tretë i hekurt është ai mes Arsenalit dhe Bajernit të Mynihut. Bavarezët që kishin shpresuar në një short të lehtë duhet tashmë të përballen me forcën e topcinjve që në 1/8. Fati i ka buzëqeshur padyshim Juventusit, që ka gjetur një prej dy skuadrave më të lehta në letër, Selltikun e Gllazkout, ndërsa mund të fërkojnë duart dhe Gallatasaraj dhe Shalke, që do të gjejnë përballë njëra-tjetrën në këtë raund.

Nuk i eci aspak keq as skuadrës më të bukur të fazës së grupeve Borusias së Dotmundit, që do të ndeshet me ukrainasit e Shakhtar Donetsk ndërsa dy sfidat e mbetura janë ndërkohë një cështje që do të përcaktohet në gadishullin iberik, me Malagan që do të ndeshet me Porton, ndërsa PSG e Ancelottit në kërkim të lavdisë europian duhet të kalojë më parë nga Valencia. Ndeshjet e vajtjes në Champions League do të luhen në datat 12-13 shkurt dhe 19-20 shkurt ndërsa ato të kthimit më 5-6 mars dhe 12-13 mars, ndërsa finalja e madhe në Ëembley më 25 maj.

Gallatasaraj – Schalke

Celtic- Juventus

Arsenal – Bayern Muenchen

Shakhtar – Borusia Dortmud

Milan – Barcelona

Real Madrid – Man.utd

PSG – Valencia

Malaga – Porto