E bukur, apo e zgjuar, femrat ënde në dilemë!

E zgjuar apo elegante, e pasur, apo e shëmtuar? Femrat kanë një marrëdhënie të ndërlikuar dhe kontradiktore me imazhin e tyre, thuhet në një sondazh të realizuar së fundi.

25 përqind e 2 mijë femrave të pyetura, të moshës 18-34 vjeç, janë shprehur se do t’u pelqente më shumë të shpalleshin top modelja e vitit, sesa të fitonin çmimin Nobel për paqen. Edhe pse 75 përqind e tyre thonë se do të qethnin kokën zero për t’i shpëtuar jetën një të panjohuri, më shumë se ¼ e të pyeturave pranuan se do të ishin dakord që miqtë e tyre të ishin përjetë të shëndoshë, nëse kjo do të thoshte se ato vetë do të mbesnin elegante.

Përsa i përket dilemës së martesës me një burrë duke u nisur nga pamja e tij, gjysma e 18-34-vjeçarëve thanë se do të martoheshin me një mashkull të shëmtuar, nëse ai do të kishte miliona. Sondazhi tregoi se 88 përqind e të anketuarave do të hiqnin dorë nga celulari, bizhutë dhe tualeti në këmbim të një miqësie.

Sondazhi është kryer nga televizoni amerikan Oxygen. Sipas psikoterapistes Jenn Berman, rezultatet tregojnë se femrat janë një kombinim i ndërlikuar i altruizmit dhe materializmit, kotësisë dhe pasigurisë, besnikerisë dhe vetësherbimit. Të dhënat flasin për dyzimin që ekziston tek secila prej tyre. /ikub/