Gjërat e vogla, që nënkuptojnë shumë në dashuri!

Dashuria gjithmonë duhet të rizbulohet dhe në mënyrë konstante duhet të investohet në lidhjen e dashurisë. Secili në marrëdhënien e tillë duhet së paku pak të mundohet, ndërsa për këtë gjë u nevojitet vetëm pak vullnet i mirë.

Gjërat e vogla mund të kenë domethënie të madhe, askush nuk pret që personin e dashur ta mbushim me dhurata të shtrenjta, të rëndësishme janë imtësitë me të cilat të dashurit/të dashurës do t’i tregojmë se e duam, dëshirojmë ta shohim të lumtur.

Është mirë ta gëzoni personin e dashur me të cilin jeni në lidhje, dhe sidomos kur këtë gjë nuk e pret, pra në një ditë të zakonshme kur as nuk e ka ditëlindjen, as nuk ka të bëjë me ndonjë festë apo datë që lidhet me lidhjen tuaj. Për cilat gjëra të vogla bëhet fjalë? Po për shembull, e dini datën e saktë kur e keni filluar lidhjen, cili është grupi i saj i preferuar muzikor apo cilën ngjyrë e pëlqen, cilën ëmbëlsirë e adhuron, cilin film e pëlqen etj.

Buzëqeshjen në fytyrën e personit të dashur do ta nxisni me ndonjë çokollatë, me blerjen e CD-së ku janë përfshirë hitet që i adhuron ai/ajo, dhuroja librin për të cilin flet qe disa muaj apo blej biletat për filmin që e do, i cili juve nuk ju pëlqen shumë, por për hir të saj do të sakrifikoheni dhe do të qëndroni në kinema afër saj, derisa filmi të mos prfundojë. Dhe pra ai/ajo do të jetë shtesë e befasuar nëse kjo është një ditë e zakonshme që nuk lidhet me asnjë datë.

Mundimin që e keni investuar tregon se sa e doni dhe sa dëshironi ta shihni të lumtur personin e dashur. Këto gjëra në shikim të parë të vogla mund të bëjnë shumë për lidhjen tuaj, me këto mund ta pushtoni, apo ta ruani afër vetes përgjithmonë të dashurin/të dashurën tuaj.

Çka mund tjetër të ndihmojë që ta ruajmë pasionin e dashurisë?

- Puthjet: Njëra nga gjërat më intime të cilat mund t’i bëjnë së bashku janë puthjet. Ato ju mbajnë së bashku dhe ndërtojnë lidhjen romantike ndërmjet jush.

- Porosi të dashurisë: Lini njëri-tjetrit porosi të këtilla. Në një letër shkruani një mesazh për dashurinë tuaj. Dhe lëreni atë atje ku mund ta gjejë dhe të befasohet për të mirë.

- Përgatisni ushqim së bashku: Shumica thonë që dashuria kalon nëpër stomak. Pse mos ta provoni këtë gjë?

- Qeshni: Humori është i mirë për shëndet. Lëshoni në televizor ndonjë komedi, tregoni barsoleta, shikoni fotografitë e tuaja të vjetra, bëni të gjitha ato që e dini që do t’ju bëjnë të qeshni.

- Argëtohuni: Luani ndonjë lojë apo bëni diçka që keni bërë në fillim të lidhjes, dhe të dy jeni argëtuar atëherë.

- Shkëmbeni komplimente: Lëvdojeni të dashurin/të dashurën për stilin e ri të flokëve, bluzën apo përzgjedhjen e rrobave. Komplimentet secili dëshiron t’i dëgjojë. /zeri/

Qeshni: Humori është i mirë për shëndet. Lëshoni në televizor ndonjë komedi, tregoni barsoleta, shikoni fotografitë e tuaja të vjetra, bëni të gjitha ato që e dini që do t’ju bëjnë të qeshni.e urrej tqesh sepse me bo me fillu me qesh kam frik se sndaloj dot me se qeshuri