Low premton një Gjermani perfekte në vitin 2013

Seleksionuesi i Përfaqësueses së Gjermanisë, Joachim Low, ka premtuar se ekipi i tij, do ta perfeksionojë edhe më shumë stilin e lojës gjatë vitit 2013, përcjell "Bild" të martën. Low ka thënë se deri më tani është i kënaqur me lojën atraktive të Përfaqësueses gjermane, por për të pasur sukses ajo duhet të jetë edhe më e perfeksionuar. "Ne duhet patjetër dhe do të zhvillohemi edhe më shumë si ekip në vitin 2013. Unë po punoj në këtë drejtim, pasi nganjëherë po na mungojnë disa detaje të vogla për të arritur deri te suksesi", u shpreh Low. "Ne e kemi gjetur stilin e lojës tonë dhe tash na nevojitet vetëm ta perfeksionojmë atë, gjë që do të ndodhë vitin tjetër".