Kometa 15 here më brilante se Hena do shihet në 2013-n!

Një kometë 15 herë më e shëndërritshme sesa Hëna do të mund të shihet me sy të lirë, në rastin e parë e të vetëm që do të jepet. Këtë kanë parashikuar astronomët përsa i takon vitit të ardhshëm, në lidhje me kometën e quajtur "Ison", që pritet të japë një shkëlqim spektakolar.

Ky është parashikimi i cilësuar si më i madhi në fushën e astronomisë për vitin tjetër, kur edhe kometa të tjera do të afrohen në zonën e shikueshme të Tokës. "Ison" u zbulua aksidentalisht në shtatorin e këtij viti, nga astronomët Vitali Nevski dhe Artyom Novichonok, që planifikuan të përdorin një teleskop tepër të fuqishëm për të shqyrtuar kostelacionet e Binjakëve dhe Gaforres. Ekspertët thonë se ka shumë shanse që "Ison" të shikohet edhe nga astronomët amatorë gjatë fundit të vitit të ardhshëm, rreth muajit tetor. Ndërkohë, astronomët gjithashtu parashikojnë edhe që një vit më pas, kometa ‘2014 L4’ të jetë e shikueshme nga Toka gjatë pranverës.