Arentina Shakulli, modelja e lumtur dhe e plotesuar!

E bukur, seksi dhe joshëse. Në plan të parë kur e takon të duket si një aktore hollivudi e huaj, por më pas kur të flet shqip e kupton që është kjo modelja e njohur nga Tirana, Arentina Shakulli të cilët e takuam në “Kreatori i Vitit” organizuar nga Gecjan Fashion Group, ku ajo ishte në sfilatë si modele. Por vajza e bukur jeton rrugëve të modës jo vetëm në Shqipëri dhe Kosovë, por në shumë vende ku punon në këtë profesion që e bën të jetë shumë e lumtur dhe e plotësuar, ndërsa ka shumë ftesa nëpër pasarela të ndryshme si ato vendore dhe të huaja. Ajo është vajza e parë shqiptare e cila këtë vit që po lëm pas ka përfaqësuar Shqipërinë në “Miss Fashion tv”. Megjithëse ka 10 vite që merret me modelizëm ajo synon gjithmonë e më lart për të qenë aty ku sfilojnë top modelet botërore, ndërsa me fizikun dhe simpatinë e saj e peshkuar edhe nga përfaqësuesit e botës së modës, Arentinën shumë shpejt do të shohin në ndonjë kompeticion të madh të botës së modës. M.GJ.