Modriç, përforcimi më i keq në Primera, kthehet në Angli?

Lluka Modriq para pak kohësh është shpallur përforcimi më i keq në
Primera Division për vitin e kaluar dhe pas vetëm gjashtë muajsh ai mund
të braktisë Realin dhe të kthehet në ishull (Angli).
Trajneri i
madrilenëve, Jose Mourinho verën e kaluar insistonte në sjelljen e
mesfushorit kroat Modri nga skuadra londineze Tottenham dhe për këtë
Reali u detyrua të paguajë 40 milionë euro, mirëpo ai nuk i arsyetoi
pritjet dhe tashmë gjendet në dyert dalëse të stadiumit “Santiago
Bernabeu”.
Sipas medieve kroate, ai i ka filluar si titullar për
Realin vetëm tetë ndeshje dhe kjo nuk i ka kënaqur as drejtuesit e as
tifozët e Realit. Për kthimin e tij në ishull janë të interesuar para së
gjithash klubet e mëdha të Premier League, si Chelsea dhe dy klubet
rivale të Manchesterit, United dhe City. Por, sigurisht që askush nuk do
të japë tashti aq para sa është blerë nga Reali.
Se Modriq nuk
do ta ketë shumë gjatë në Madrid tregojnë edhe fjalët e tij se nuk i
është përshtatur jetës në kryeqytetin e Spanjës.