Belgjikë, arrestohet 47-vjeçari shqiptar, i dënuar me burgim të përjetshëm

Arrestohet në Bruksel një 47-vjeçar shqiptar i dënuar me burgim të përjetshëm për vrasje në Shqipëri në vitin 1992.

Mediat belge bëjnë të ditur se arrestimi është kryer në një kafene në
rrugën “Chauss’e de Ninove” të Brukselit. Mediat belge japin vetëm
inicialet L.P. dhe bëjnë të ditur se ai kërkohet për një vrasje të kryer
21 vjet më parë. Sipas mediave belge shtetasi nga Shqipëria 47-vjeçari
është mbajtur nën mbikëqyrje që prej 20 dhjetorit të kaluar, ndërsa më
pas është kryer ndërhyrja duke e vënë në pranga atë.

Sipas policisë belge shtetasi me inicialet L.P. kishte udhëtuar drejt
Belgjikës me pasaportë false me një identitet të rremë. Ai ka deklaruar
para policisë se nuk ka kryer asnjë vrasje në Shqipëri, por shenjat e
gishtërinjve ka vërtetuar se bëhej fjalë pikërisht për shtetasin e
shpallur në kërkim nga drejtësia shqiptare.

Duke iu referuar gjithnjë mediave belge, theksohet se autoritetet e
Brukselit kanë njoftuar tashmë organet e drejtësisë në Shqipëri për
arrestimin e tij dhe pritet të kryhet ekstradimi.