Ja kartëmonedha e re prej 5 eurosh, ne qarkullim nga maji!

Janë të pakta, por dominuese ndryshimet e përshtatura për kartëmonedhat e reja prej 5 eurosh, që janë prezantuar sot në Frankfurt nga presidenti i Bankës Qendrore Evropiane, Mario Draghi. Disa elementë kanë mbetur identikë, pasi kartëmonedhat e reja të euros, të serisë së quajtur "Europa", kanë të njëjtat dizenjo të serisë së parë dhe të njëjtat ngjyra dominuese. Ndryshojnë vetëm dimensionet dhe pozicionet e dizenjove arkitektonike, madhësia e numrave dhe harta e Evropës, përderisa u desh të llogaritej edhe se nga viti 2002, të tjerë vende si Malta e Qipro kanë hyrë si pjesë e BE-së. Pritet që kjo kartëmonedhë të hyjë në qarkullim nga 2 maji dhe në vjeshtën e këtij viti parashikohet që këto kartëmonedha të jenë më të përhapura se ato të serisë së parë. Do të ketë të reja edhe përsa i takon prerjeve të tjera të euros, por do të hidhen në qarkullim në rend rritës, domethënë 10, 20, 50, 100, 200 e në fund 500 euro. /ikub/