Rregulli i tetë javëve në një lidhje!

Fillimisht, vesi i saj i përfundimit të fjalive që ti po thua dukej një gjest shumë i ëmbël… por tashmë, tetë javë më vonë, ti e gjen një ves të tillë më shumë irritues sesa të ëmbël.

Gjatë muajit të parë të telefonatave të gjata dhe mbrëmjeve romantike, ke qenë në gjendje të mos i kushtosh shumë vëmendje faktit se ai nuk ka shumë kuriozitet mbi të shkuarën tënde apo mbi interesat e tua. Ndoshta i ke thënë vetes, hej, interesi i tij për mua do të gjallërohet me kalimin e kohës. Por tashmë që disa muaj kanë kaluar, ke filluar të kuptosh se është koha për të marrë një vendim, nëse duhet të vijosh me këtë lidhje dhe të përpiqesh të mos i vësh re irritimet që të shkakton – ose t’i japësh fund dhe të vijosh më tutje.

Kur ndodh që fërkimet e vogla me fjalë, nuk merren më me humor dhe bëhen të mërzitshme?

Në disa raste, në takimet e para të një dashurie të re, njerëzit kanë tendencën t’i mbyllin sytë dhe veshët për gjërat e vogla në emër të romancës së re, sepse ndërkohë po shijojnë aspekte të tjera të shumta të të qenët në një lidhje dhe dëshirojnë t’i japin kësaj lidhjeje një shans.

“Ajo çfarë unë zakonisht filloj të ndiej si bezdisëse, janë gjëra të personalitetit natyror të partneres”, thotë 33-vjeçari Jason Myer, një mbikëqyrës operacionesh në St. Louis. “E dija se kishte diçka që nuk më pëlqente që ditën e parë. Por çdo gjë tjetër tek ajo qe e mrekullueshme, kështu u përpoqa të mos i vë re detajet. Ndërsa përjetimet u shtuan gjithnjë e më shumë, gjërat e vogla u bënë si gozhdë në një dërrasë të zezë për mua. Kureshtja e historisë së re qe ngopur dhe nuk kishte më elementë interesantë të rinj të mjaftueshëm sa për të anashkaluar fërkimet e vogla”.

Ky qe rasti me një vajzë tërheqëse që Myer u takua përmes një miku të përbashkët. “Ne shkëmbyem numrat e telefonit dhe patëm disa net shumë të këndshme kur folëm në telefon pothuajse gjatë të gjithë natës duke qeshur”, thotë Myer. “Kur ne filluam të dalim me njëri-tjetrin, gjithçka qe e mrekullueshme. Kishte vetëm disa aspekte të vogla mërzitëse tek ajo, por gjithçka tjetër qe kaq gallatë kur ne ishim bashkë sa unë qesh në gjendje të mos i vë re këto detajet e vogla. Ajo gjithmonë vinte 10-15 minuta me vonesë… por nuk kishte problem; Ajo qe e bukur dhe e këndshme për të qenë vërdallë, kështu që vonesat pranoheshin. Ajo do të më duronte me gjallëri mua kur nuk i kushtoja vëmendjen e duhur dhe pastaj mund të pinte pijen time apo të hante ushqimin në pjatën time. Ha-ha! gjithçka mbyllej me një të qeshur. Për shkak se qe kaq e këndshme, unë nuk përtova të gatuaj sërish për vete”, thotë Myer, duke rikujtuar mënyrat me të cilat ai justifikoi sjelljen e saj para vetes. Por në fund, durimi i tij filloi të ulet: “Kur lidhja u bë afërsisht dy muaj, këto gjërat e vogla u kthyen në gjëra të mërzitshme. Ne folëm 30 minuta përpara për orën e takimit dhe ajo sërish u bë vonë”.

Por shpesh, çështjet që ndajnë një çift të ri shkojnë shumë më thellë sesa këto bezdisjet e vogla të parëndësishme. “Shumë marrëdhënie përfundojnë në këtë pikë për shkak se një periudhë dymujore është kritike për njerëzit për të hapur një mundësi për të njohur veten dhe tjetrin dhe për t’i shprehur”, thotë Ryan Melsom, një shkrimtar 35-vjeçar dhe specialist komunikimi.

“Në një marrëdhënie ideale, ti dëshiron të jesh i sigurt se njeriu me të cilin je është dikush që ti shpreson të rritet, dhe në këtë mënyrë, ai apo ajo, nëse nuk është hapur tërësisht brenda kësaj kohe, të gjitha sinjalet paralajmëruese janë dhënë. Është njësoj si një tip periudhe prove për një punë të re”

Lesli Doares, terapiste dhe autore librash, pranon se krahasimi me periudhën e provës në një punë të re është një metaforë e mirë për të kuptuar periudhën e parë të dashurisë dhe vendimin për ta mbajtur lidhjen apo për të vijuar më tutje.

“Të dalësh dhe të takosh njerëz është pak a shumë si të dërgosh jetëshkrimin tënd për një aplikim për punë. Të shkosh në takimet e para në çift është njësoj si të shkosh në një intervistë. Fazat e para në një lidhje janë si një lloj pune provë”.

Doares mendon se periudha në fund të dy muajve “është koha kur njerëzit vendosin të lëshojnë më shumë informacion mbi veten dhe të testojnë se sa të përshtatshëm janë ata për një marrëdhënie afatgjatë. Më shumë informacion fillon të shkëmbehet mbi besimet, vlerat, marrëdhëniet e shkuara, miqtë, pasionet dhe qëllimet në jetë. Pengesat për çuarjen e një marrëdhënieje në një nivel më të thellë, fillojnë të dalin në sipërfaqe”.

Në disa raste, një debat mbi një çështje vendimtare e sjell romancën te një ndërprerje e papritur, por shumë shpesh, rënia e interesit nga ai apo ajo, apo të dy bashkë, shënon fundin e kësaj “periudhe prove”.

“Në fund të dy muajve, kur interesi im fillon të venitet, unë zakonisht filloj të largohem vetë i pari”, thotë Myer. “Unë bëhem tepër i zënë me punë për të dalë së bashku apo për të folur gjatë në telefon. Vendos në axhendë një dalje vonë natën me djemtë, kështu që shmang daljen me të të premten. Ndërsa ne fillojmë të kalojmë më pak kohë me njëri-tjetrin, njëri prej nesh do t’i japë fund. Nuk dua që të jem unë gjithmonë që t’i jap fund një marrëdhënieje, por në atë pikë, unë kam hequr dorë kështu që nuk më ngel hatri nëse është ajo që i jep fund”.

Vlerësimi i të ardhmes romantike së bashku

Nëse e gjen veten jo shumë ngrohtë (si pasojë e rënies së interesit) apo me dilema, për shkak të disa dallimeve të dukshme mes teje dhe partnerit apo partneres, shtroji vetes pyetjet e mëposhtme në mënyrë që të vlerësosh nëse kjo marrëdhënie është me të vërtetë që ia vlen që ti të investosh në të:

1.Çfarë po të thotë zëri yt i brendshëm? Kur ndien konfuzion mbi marrëdhënien tënde, është e lehtë të shkosh te zakoni i kërkimit të këshillës nga miqtë, por vetëm ti mund të dish me të vërtetë se çfarë është e mirë për ty. Por mos ngatërro frikën që ke të llojit “ka mundësi që të mos takosh askënd tjetër në të ardhmen” me ndjenjat e tua të vërteta. Mund të ngjajë si e thjeshtë, por duhet të kalosh ca kohë për të menduar mbi këto pyetje: “Çfarë po kërkon? A dua unë me të vërtetë të jem me këtë person? A i besoj unë këtij personi? Jam unë me të vërtetë i/e interesuar të kaloj kohë me këtë person?

2.Ndalo dhe vëzhgo veprimet e partnerit; a janë ato të sinqerta? Ndalo thjesht për një minutë për të menduar për kohën që keni kaluar bashkë, si p.sh. kur keni qenë duke parë një film pa zë. A është paraqitur ky person në jetën tënde me integritet dhe autenticitet?

A është sjellë ai apo ajo ashtu siç pati rënë dakord? Fjalët dhe veprimet e një personi duhet të përputhen në rast se dëshirojmë të vendosim besimin e ndërsjellë.

3.Si kemi reaguar për herë të parë kur patëm një debat? A i zgjidhëm mosmarrëveshjet në mënyrë të respektueshme për njëri-tjetrin?

4.A po kërkojmë që të dy të njëjtat gjëra në jetë? Nuk ka rëndësi se sa e fortë është tërheqja për njëri-tjetrin. Nëse dëshiron një jetë të gjallë apo dëshiron një jetë të qetë, do të ketë shumë konflikt në marrëdhënien tuaj nëse dëshirat për të ardhmen janë shumë të ndryshme.

5.A mund ta imagjinosh veten duke qëndruar me këtë person për një muaj, një vit apo dhjetë vjet në të ardhmen? Ndoshta pas një muaji nuk do të ndihesh shumë mirë për faktin që ke mbyllur këtë marrëdhënie tani, por në një vit, do të jesh shumë i bindur se ke marrë vendimin e duhur. Edhe e kundërta është e vërtetë. Ndoshta mund të imagjinosh se ju të dy do të rriteni më të afërt me njëri-tjetrin dhe se mosmarrëveshjet e vogla janë më së shumti për qejf se sa ndarje të thella. /shqip/

4.A po kërkojmë që të dy të njëjtat gjëra në jetë? Nuk ka rëndësi se sa e fortë është tërheqja për njëri-tjetrin. Nëse dëshiron një jetë të gjallë apo dëshiron një jetë të qetë, do të ketë shumë konflikt në marrëdhënien tuaj nëse dëshirat për të ardhmen janë shumë të ndryshme.ehhhhhh x ket dashka me pas 1 cik kujdes