Ch. League, Rosell optimist per kualifikimin

Nga Izraeli ku u takua me presidentin Shimon Perez për promovimin e një ndeshjeje bamirësie në 31 Korrik, kreu i shoqërisë katalanase, Sandro Rosell shpreh besimin e plotë se skuadra e tij mund ta kthejë humbjen e hidhur në “San Siro” për të siguruar kualifikimin. Gjatë një interviste për mediat vendase, Rosell nënvizoi se është optimist për ndeshjen e kthimit.

“Para së gjithashtu dua të uroj Milanin për fitoren e merituar, por kemi edhe një shans tjetër gjatë sfidës së kthimit. E di që nuk do të jetë e lehtë sepse dy gola në një ndeshje Championsi janë shumë por ne do të mbështetemi nga një stadium i tërë dhe duhet të japim maksimumin”.

I mbushur me besim për sfidën e kthimit duket edhe ylli Lionel Messi që në sfidën e Milanos nuk shkëlqeu. Ashtu si shokët e skuadrës, ai e pranon se në “San Siro” nuk u krijuan shumë raste për të shënuar. Sipas numrit 10, skuadra ka besim se mund t’ia dalë në sfidën e 12 Marsit që do të zhvillohet në stadiumin “Camp Nou”. Fituesi i 4 Topave të Artë nuk tregoi asgjë nga klasi i tij në “San Siro” ku u shfaq totalisht në hije gjatë gjithë 90 minutave për shkak të markimit të rreptë nga mbrojtësit kuqezinj, të cilët nuk i krijuan për asnjë moment hapësirat e duhura.