2po2, Flori Mumajesi, kantautori më i madh që ka Shqiptaria!

Për publikun ai është i njohur si 2PO2, ndërsa për miqtë e afërt është thjesht Besnik Canolli. Reperi i suksesshëm ka publikuar këtë javë në ‘Facebook’ këngën e re të kantautorit Flori Mumajesi, “Pa jetë”, me mbishkrimin: “Herën e parë e publikova thjesht për rutinë, sepse bashkëpunimi ynë është i ngushtë. Këtë herë po e publikoj për të shprehur respektin që duhet të kemi për talentin, kompozitorin, kantautorin, producentin dhe punëtorin më t’madh që ka Shqiptaria për momentin, Flori Mumajesi. Respekt!” Ka qenë ky publikimi i 2PO2, i cili tashmë është i njohur gjerësisht për bashkëpunimet e tij të suksesshme me Flori Mumajesin, si “Crazy girl” apo “Gjithë jetën”.