Rita këshillon të rinjtë për vetëbesim!

Këngëtarja shqiptare Rita ORA u ka bërë thirrje të rinjve të besojnë më shumë në vetvete. Krijuesja e hitit “R.I.P.”, është bërë pjesë e kampanjës më të re “National Citizen Service”, e cila u bën thirrje të rinjve të punësohen në vende të caktuara dhe gjithashtu i ka lutur të besojnë më shumë tek vetja.

Këngëtarja 22-vjeçare gjithashtu ka folur për zhgënjimin që e kishte përjetuar në momentin kur humbi rastin të përfaqësoj Britaninë në “Eurovision”, ndërsa theksoi se vetëbesimi ishte çelësi i suksesit të saj.

“Jam ndjerë e thyer thellë në shpirt, por fatmirësisht për asnjë moment nuk më është zbehur besimi tek vetja dhe ndoshta kjo më ka ndihmuar të realizoj ëndrrat e mia”, ka shtuar ORA. /Vipat/