Çfarë ndodh realisht në harkun e 1 ore në internet?

Një kompani britanike ka analizuar sjelljen e miliona përdoruesve anglofonë në tre vende, ndërkohë që 25 milionë përdorues janë baza robuste nga ku janë marrë statistikat për t'u analizuar.

Ndjekja e evoluimit në konsumin e rrjetit dhe kuptimi i asaj që ndodh ka qenë synimi i këtij kërkimi të “Experian Marketing Services”, që ka studiuar përdorimin e internetit nga ana e një grupi të gjerë përdoruesish anglofonë.

Si përfundim ka dalë se britanikët janë ata që kalojnë më shumë kohë për të blerë në internet. Plot 10% e tyre e kalojnë kohën në kërkim të ofertave, apo informacioneve relative me blerjet.

Më pas vijnë amerikanët me 9% dhe australianët me 6%. Këta të fundit, nga ana tjetër, i dedikojnë më shumë kohë informacionit, plot 6%, aq sa për blerjet. Ndërsa në këtë fushë mbeten prapa britanikët, me 5% dhe amerikanët me 4%.

Ndërkohë që 13 minuta mesatarisht, britanikët i shpenzojnë nëpër rrjetet sociale dhe nëpër forume. Kurse vetëm 9 i shpenzojnë për zbavitjen. Jo shumë ndryshe edhe amerikanët, me 16 minuta në rrjetin social, 9 për argëtimin. Ndërsa britanikët, 13 minuta i kalojnë në rrjetet sociale dhe forume, kurse 9 i shkojnë zbavitjes, ndonëse vetëm 5 minuta për pazaret “online”

Ky studim ka dalluar para së gjithash se sjelljet ndryshojnë me kalimin e kohës, pavarësisht nëse ekzistojnë diferencat zonale edhe në brendësi të një komuniteti anglofon, që mendohet si homogjene. Ndryshimet janë shumë më të stimuluara nga përhapja e rrjeteve mobile 3G dhe 4G, që po revolucionarizojnë kudo paksa të gjithë panoramën e internetit. Ndryshimet që kompanitë e mëdha nuk mund t’i injorojnë, gjithmonë në lidhje me aktivitetet e biznesit që kryejnë.