“Smartphone” do karikohet për 20 sekonda ’’, meritë e një 18-vjeçareje!

Në të ardhmen do të mjaftojnë vetëm 20 sekonda për të rikarikuar një "smartphone". E gjithë merita i takon idesë së sjellë nga një shkencëtare e re, Eesha Khare, e cila edhe pse 18-vjeçare, ka krijuar një super-kondesator në gjendje për të magazinuar sasi të mëdha energjie brenda disa çasteve. Falë shpikjes së saj, ajo ka fituar një nga çmimet më prestigjoze të dhëna nga "Intel International Science and Engineering Fair".

Bëhet fjalë për një shumë prej 50 mijë dollarësh, për të studiuar zgjidhje të reja dhe për t'u përpjekur të ndryshojë botën edhe në moshën 18-vjeçare. Kështu, Eesha nga Saratoga në Kaliforni mund të sjellë një revolucion të vërtetë në sektorin e energjisë dhe rikarikimit të dispozitivëve elektronikë.