UEFA përgënjeshtron Shaqirin: Nuk e penguam që të mbante flamurin shqiptar!

Mesfushori me origjinë shqiptare, Xherdan Shaqiri, festoi me flamurin kosovar dhe atë zvicerian gjatë fitores së Ligës së Kampioneve me Bajernin.

Pas reagimeve në rrjetet sociale, se përse nuk kishte edhe flamurin shqiptar, Xherdan Shaqiri tha se nuk e kishte lejuar UEFA. Por, kjo e fundit ka përgënjeshtruar deklaratën e Shaqirit, duke thënë se nuk e ka penguar atë që të mbajë flamurin shqiptar.

Ai ka thënë se nëse do të nxirrte ndonjë pengesë, UEFA mund ta bënte për flamurin e Kosovës, që nuk është anëtare e UEFA-s, por jo për flamurin e shqipërisë. “Ne si UEFA, sikur të kishim dashur ta pengonim, do ndalonim që ai të mbante flamurin e Kosovës, që s’është anëtare e UEFA-s, por s’kishim pse ta pengonim të mbante flamurin Shqipërisë”, ka shtruar në fund zyrtari UEFA-s.