Doni një martese më të sigurt? Njiheni partnerin online!

Mund të befasoni kur të mësoni se çiftet që njihen online janë çifte më të lumtur se ata që takohen offline (në jetën e përditshme), sipas një studimi të publikuar këtë javë.

Në kërkimin ku morën pjesë 19 mijë persona doli se 6.7% e martesave që nisin me njohje offline përfundojnë me ndarje ose divorc. Ndërsa nga çiftet që njihen online vetëm 5.9% përfundojnë kështu.

Kjo mund të duket një diferencë e vogël por është thjeshtë vetëm fillimi i efekteve të gjata që do të sjellë interneti në jetët tona personale pasi njohjet online janë ende një gjë e re.

Në SHBA për periudhën 2005-2012, 45% e çifteve janë njohur në internet në faqe për takime. Media sociale, dhoma chat-i apo nëpërmjet mesazheve. Një veçori tjetër është se çiftet që njihen online janë më të edukuar dhe të punësuar.