Tatuzhet mund të zëvendosojnë së shpejti "password"-et!

Një tatuazh elektronik në gjendje për të zëvendësuar "password"-et e vjetër. Ky është projekti për të cilin është duke punuar kompania ndërkombëtare e telefonisë, "Motorola". Kjo kompani po kërkon alternativa ndaj metodave të zakonshme të sigurisë, në mënyrë që të bëjë më të sigurta regjistrimet online të përdoruesve, sipas asaj që ka bërë të ditur administratori i delehuar Dennis Woodside.

Tatuazhet që janë zhvilluar nga disa inxhinierë të Massachusetts të kompanisë partnere të Motorolës, "MC10", përmbajnë disa qarqe telefonike fleksibël. Të lidhura me lërkurën përmes një timbri prej gome, do të ishin në gjendje të zëvendësonin funksionet që kryhen nga "password"-et.

MIrëpo me alternativave nuk janë vetëm tatuazhet. Regine Dagan, ish-drejtoreshë e Darpas (reparti i Mbrojtjes amerikane, që merret me projektet e avancuara në fushën e teknologjisë) ka shpjeguar se në studim është edhe një pilulë e veçantë, që nëse kapërdihet nga përdoruesit, do të ishte në gjendje të shfrytëzonte aciditetin e stomakut, për të prodhuar dhe përcjellë një sinjale "wi-fi" prej 18 bit, që mund të kapet prej dispozitivëve jashtë trupit. Edhe në këtë rast do të ishte e mundshme të përdorej mekanizmi i verifikimit të identitetit të një konsumatori. Natyrisht për momentin të gjithë alternativat janë në trajtën e eksperimenteve. Për t'i hedhur në qarkullim të gjitha këto, do të duhet të pritet ende.