Përtej karrierës, është koha të mendoni për ndjenjat!

Deri tani duket se pikët më të larta i keni pasur në karrierë. Është e vështirë të krijoni një raport të qendrueshëm sidomos në dashuri. Lidhjet janë të rëndësishme për ju por nuk keni ditur të fitoni mbi situatën. Harrojeni për pak kohë karrierën dhe shihni që gjërat në jetën tuaj do të ndryshojnë pozitivisht rrjedhë

Vajza ose djali që ju ka pëlqyer prej disa kohësh më në fund iu ka ftuar të dilni. Është koha të mos thoni më jo, pas shumë herësh refuzim duke vënë në plan të parë karrierën dhe dëshirën e sëmurë për sukses profesional.

Mendoni për një takim që do t’ju ndryshojë jetën, duke filluar të mendoni për më shumë ngjyra në jetën tuaj. Nëse gjërat deri tani nuk kanë shkuar sipas planeve tuaja nuk duhet të tregoheni pesimist! Filloni të mendoni ndryshe kësaj radhe!

Do të jetë një takim që do të shkaktojë emocion dhe ideja se si gjërat mund të vijojnë na bën të mendojmë më tepër se ç’duhet. Pa varësisht se ku do të dilni, në një bar, restorant apo kinema filloni të shqetësoheni për këtë takim duke menduar për detaje që jo gjithmonë janë përcaktuese. Njohjet që çojnë drejt lidhjeve të shëndetshme në dashuri janë sa emocionuese aq edhe të panjohura, për vetë faktin se janë njerëzit dhe dëshirat e tyre që përcaktojnë se çfarë pritshmërie do të ketë e ardhmja.

Ndaj në mënyrë absolute, mos mendoni më tepër se ç’duhet! Përpiquni të kaloni një kohë të bukur, që të mbetet pse jo e paharruar. E mbi të gjitha kursejini disa gabime që femrat ose meshkujt i bëjnë herë pas herë në mënyrë instinktive. Tregohuni të rafinuar, pak të mistersëm, jo shumë egoist, mos pyesni për të kaluarën e tij, mos flirtoni, përpiquni të jeni vetvetja, pasi kjo është ajo që tjetri do të vlerësonte vërtet! Mbi të gjitha kërkoni ndryshim në jetën tuaj. Harrojeni karrierën për pak kohë të paktën. Është koha për një lidhje serioze, duke harruar karrierën dhe trysninë apatike të saj!

Mos u tregoni egoist

Ajo që e shkatërron një raport të shëndetshëm është vërtetuar se është egoizimi i partnerëve, pa ndarë gjinitë femër apo mashkull. Egoizmi i tepruar bën që tjetri të ndihet jo i vlerësuar, pasi vëmendja totale është e përqendruar vetëm në egon e tij, apo të saj. Pavarësisht faktit se një partner është më interesant nëse ka diçka që fsheh duke qenë e rezervuar, përsëri nuk duhet të kalojë në ekstremin tjetër.

Edhe të qenurit totalisht egoist e bën atë më pak tërheqëse. Të qenurit ekstremisht indiferente dhe egoist do e lëndonte krenarinë e një djali. Madje ata pëlqejnë nëse komplimentohen për mënyrën se si janë veshur, për shijen, për kostumin apo parfumin që kanë zgjedhur. Nëse do e lavdëronit në një nga këto detaje do t’i përkëdhelnit sedrën duke e ftuar më shumë drejt një bisede vërtet të ngrohtë.

Tregohuni të “fshehtë” aq sa duhet

Ajo që e bën një femër tërheqëse në sytë e një mashkulli është misteri që ruan brenda vetes. Është një lloj sekreti që sado i vogël shërben si magnet për të tërhequr botën mashkullore drejt saj. Ndaj në një takim të rëndësishëm dashurie ajo që duhet evituar në mënyrë absolute është të folurit e pandërprerë. Dëshira për të konsumuar një bisedë të këndshme mund të bëhet edhe pa prekur kufijtë e sasisë. Fillimisht ajo që duhet të bëj një vajzë ose djalë është të jetë ftuese në bisedë por pa tregur shumë detaje. Mund të bëhet interesante duke ngjallur tërheqje te partneri i saj, i cili si pasojë e kuriozitetit të lindur ka shumë gjasa që ta ftojë në një takim të dytë. Dhe jo vetëm një herë. Të qenurit e rafinuar në bisedë, disi e tërhequr por e vëmendshme është tregues i një personaliteti të fortë. Duhet të dini se një femër ideale në sytë e një mashkulli është ajo që di të dëgjojë e jo të flasë gjithë kohës.

Mos ndërprisni

Në vijim të të qenurit i kujdesshëm me fjalët dhe taktikën rafinuese duhet pasur parasysh se ndërprerja e bisedës herë pas here nga ana juaj do të ishte e pavend. Por jo vetëm kaq. Ky lloj xhesti në vetvete është tregues i papërqendrimit dhe mosvëmendjes suaj. Nëse do të tregonit interes mund ta bëni edhe duke pohuar me kokë apo mimikën e fytyrës. Jo gjithmonë do të ishte e saktë nëse do të ndërprisnit me pyetje të ndryshme. Lëreni bisedën të rrjedhë, dhe nëse nuk i keni kuptuar të gjitha detajet e një komunikimi që supozohet të lindë natyrshëm.

Kurioziteti i tepërt “vret”

Përpiquni të jeni më pak kuriozë. E thënë ndryshe në mënyrë figurative, jini pak më tepër “të sjellshëm”, që do të thotë pyesni më pak. Nëse interesoheni dhe pyesni për preferencat e partnerit tuaj, rreth të kaluarës së tij, rrogës, numrin e të dashurave, apo pse është ndarë nga ish e dashura e fundit, do të ishte e tepërt. Është e pahijshme nëse e pyet një djalë për gjëra kaq personale që në takimin e parë. Kuriozohuni për të më vonë, sepse kurioziteti i tepërt “vret” dhe nëse mësoni të vërteta të hidhura, bëjeni me delikatesën më të mundshme.

Humori është më se i rëndësishëm!

Humori pëlqehet gjithandej dhe një partner që ka sens humori të lindur është tregues i një inteligjence të lindur. Megjithatë edhe humori është i bukur në masën e tij. Mos qeshni vazhdimisht me partnerin, dhe pse humori juaj mund të jetë vërtet i goditur. Nëse ndodh disa herë ai është kthyer në sarkazëm që nuk i ka hije një takimi të parë. Ky fakt perceptohet si një tabu nga psikologët.

Nëse keni vërtet një sens të veçantë humori këshillohet ta rezervoni atë për në takimet e tjera. Sigurisht mund të bëni humor por pa e tepruar. Tregoni për historitë tuaja, për copëza aventurash, që keni përjetuar, edhe nëse janë të sajuara. Çfarë është e rëndësishme është të dini të jeni të këndshëm dhe të buzëqeshni!

Gabimi më i madh, flirtimi me të tjerët!

Edhe nëse padashje ndodh që të ndeshni me shokun tuaj të fëmijërisë, apo dashurinë e parë, mos i lejoni vetes shprehi të llojit ambig. Që në fjalë të thjeshta do të ishte flirtimi i dyfishtë. Nuk do të ishte aspak e ndershme, dhe e hijshme nëse “loja juaj” do të kishte karakter të tillë.

Sepse takimi i parë supozohet i veçantë dhe i thjeshtë në koncept. Ai perceptohet si dëshira për të njohur partnerin më të cilin ke pranuar të dalësh, e nëse shijet dhe interesat kryqëzohen në formën e një sentimenti të bukur atëherë lind ndjenja që në shumë raste ka vijimin e saj. Kështu që nëse do të tregoheni të patrembur duke lejuar fanatazinë tuaj të rrjedhë në flirtime reale jo vetëm do të fyenit personin përballë, por do të krijonit përshtypjen e një vajze të paskrupullt.

Meshkujt dashurohen pas vajzave me personalitet dhe karakter të qendrueshëm. Shumë prej tyre dinë t’i dallojnë ato që në takimet e para, shpesh duke u zhgënjyer ashtu sikurse dhe dashuruar.

Sillu ndryshe

Ka shumë të ngjarë që partneri juaj mund të ketë pasur një larmi të pafund takimesh, ndaj në këtë stivë kërkohet pak më shumë ngjyrë emocionale. Ndaj mbetet në dorën tuaj që këtë takim ta bëni të veçantë, të paharrueshëm, ndryshe nga të tjerët.

Mos jini si të tjerat. Luani. Qeshni, pse jo dhe mërzituni për pak sekonda, inatosuni. Bëni shakara si një vajzë e pabindur, pak “e keqe”, dhe papritur shndërrohuni në një tjetër, në femrën fatale: ndizni një cigare ngadalë…çdo djalë përballë një vajze të tillë absolutisht do të emocionohej.

Pra mbi të gjitha duhet të jeni spontane, e lirshme, sigurisht pa kaluar kufijtë e vetvetes. Tregohuni e natyrshme dhe një lozonjare e rafinuar e cila do të fitonte zemrën e çdo kujt. Nëse do donit që takimi juaj i parë të ishte fillimi i një historie të bukur pasioni.

Është koha të mos thoni më jo, pas shumë herësh refuzim duke vënë në plan të parë karrierën dhe dëshirën e sëmurë për sukses profesional. Mendoni për një takim që do t’ju ndryshojë jetën, duke filluar të mendoni për më shumë ngjyra në jëtën tuaj. Nëse gjërtat deri tani nuk kanë shkuar sipas planeve tuaja nuk duhet të tregoheni pesimist! Filloni të mendoni ndryshe kësaj radhe! /ikub/

ke tdrejt po kriminelet si muee smerren me kto gjonna