Bima që prodhon njëkohësisht domate dhe patate

Një bimë që prodhon patate dhe domate është eksperimentuar në Britaninë e Madhe. Bima e quajtur “TomTato” mund të rrisë deri në 500 domate të vogla, ndërkohë që nën dhe prodhon patate të bardha.
Një bimë e tillë kushton 18 euro, ndërsa është e shartuar dhe jo prodhim gjenetik. Kjo është hera e parë që një bimë e tillë shitet në treg, transmeton Shekulli.

Drejtori për Kopshtarinë në kompaninë “Thompson & Morgan”, Paul Hansord, thotë se ka pasur një ide të tillë 15 vjet më parë, kur pa që dikush në SHBA kishte mbjellë patate nën një rrënjë domateje për të bërë shaka.

Një bimë e njëjtë që prodhon domate dhe patate ka dalë në shitje edhe në Zelandën e Re dhe quhet “Patato Tom”. /Telegrafi/