Kosova pranohet në gara ndërkombëtare!

Më në fund pas shumë përpjekjeve dhe letrave dërguara në ITF (Federata Ndërkombëtare e Tenisit) nga Federata e Tenisit të Kosovës, ITF ka pranuar tenistët kosovarë që të garojnë në gara ndërkombëtare, nën flamurin e ITF.

Sipas Shkelzen Domit, kryetar i Federatës së Tenisit të Kosovës, në një letër dërguar FTK-së nga ITF, thuhet se, nga dita e sotme, teniserët kosovarë mund të regjistrohen për IPIN (Numër identifikues për lojtarë ndërkombëtar) dhe të marrin pjesë në turnamente ndërkombëtare të organizuara nga ITF dhe asociacionet regjionale të ITF nën të sapokrijuarin “flamur të ITF-së”.

Kjo shënon një hap të madh drejt ndërkombëtarizimit të tenisit, edhe ashtu si sport pak i përkrahur në Kosovë, mirëpo me shumë talent, ku teniserë nga grupmosha të ndryshme më në fund do të mund të hyjnë në garë për pikë zyrtare të ITF-së.

Lajm i mire dhe i keq njekohesisht. Pas emrit te garuesve nga Kosova do te shenohet jo KOS por ITF, kjo eshte e keqja...E mira eshte se te reja dhe te rinje nga kosova do te kene mundesine te garojne per ITF rangim dhe te luajn ne turnire nderkombetare.