Po shkrihet Artiku, nga nxehja më e lartë prej 44 mijë vjetësh

Në këtë përfundim kanë arritur shkencëtarët e Universitetit të Kolorados.

Shumë studime kanë treguar se Artiku po nxehet dhe se akulli është duke shkrirë gjithmonë e më shpejt, por si krahasohet me të kaluarën dhe sa serioze është? Një studim i ri konfirmon se temperaturat verore në Artik gjatë shekullit të fundit janë më të lartat e regjistruara në 44.000 vjet dhe ndoshta më të lartat edhe në 120 mijë vjet. Në këtë përfundim kanë arritur shkencëtarët e Universitetit të Kolorados, përmes këtij studimi të publikuar në revistën "Geophysical Researcher Letters".

Një nxehje rekord që konfirmon atë të cilës i druheshin një pjesë e mirë e studiuesve mbi "ngrohjen globale". Sipas asaj që shpjegon profesor Gifford Miller, shtimi i temperaturave duket se është "jashtë çdo shkalle", krahasuar me çdo variabël natyral dhe duket se vjen si pasojë e "shtimit të gazit serrë në atmosferë". Një e dhënë është fakti sesi temperaturat maksimale të regjistruara në Polin e Veriut kanë kaluar "pikun' e nxehtësisë prej fillimit të epokës gjeologjike më të afërt, që pati nisjen rreth 11.700 vite më parë. /ikub/