"Armët kimike" , vajza shqiptare letër prekëse Obamës!

Asgjësimi i armëve kimike në Shqipëri ka shqetësuar jo vetëm ambientalistët, por edhe qytetarët shqiptarë, të cilët janë ngritur edhe në protesta. Një qytetare e Shqipërisë i ka dërguar një letër Presidentit të SHBA-ve, Barack Obama, ku i tregon për problemet e vendit tonë dhe për pasojat shkatërrimit të armëve kimike në vend.

“ I dashur President Barack Obama. Unë jam një qytetare thellësisht e shqetësuar, si miliona shqiptarë, të cilët janë tronditur nga lajmi, se armët kimike toksike vdekjeprurëse, arsenal i regjimit të Asadit do të zbarkojë në brigjet shqiptare”, kështu e nis letrën një vajzë shqiptare e quajtur Armela Bega.

Ajo thotë se, vendi ynë i vogël me një sipërfaqe prej 28.000 km2 ka këto probleme: Është i mbipopulluar, me infrastrukturë të dobët, me probleme të panumërta në çdo sektor të ekonomisë, shëndetësi, arsim, mjedis, bujqësi, turizëm, duke luftuar për mbi dy dekada korrupsionin dhe krimin e organizuar të pllakosur në çdo qelizë të shoqërisë sonë. Sipas saj vendimi për asgjësimin e armëve kimike në Shqipëri do të kishte një ndikim të madh negativ mbi mjedisin. Potenciali vdekjeprurës do të ketë ndikim si në jetën e shqiptarëve dhe në mjedisin për rreth.

Ajo i tregon Obamës edhe për marrëdhëniet miqësor të hershme mes dy vendeve, por oferta e SHBA-ve për të sjellë armët kimike të Sirisë në vend nuk mund të pranohet.

Ajo tregon edhe arsyet se pse duhet të refuzohet kjo ofertë. Vendi ynë është më i varfër në Evropë dhe kjo marrëveshje e rrezikon seriozisht atë. Ajo thotë se si mundet një vend si yni të merret me menaxhimin e mbeturinave dhe gazit sirian, kur nuk menaxhon dot mbeturinat dhe shkatërron dot materialet kimike të trashëguar nga komunizmi? Letra tregon edhe rastin e “Gërdecit”, i cili mori jetët e disa njerëzve të pafajshëm nga paaftësia e autoriteteve për të menaxhuar si duhet armët. Po për gjithë këtë arsenal, kush i garanton shqiptarët se nuk do t’i ndodhë asgjë. Sipas kësaj qytetare, këto armë janë fataliste për jetët e popullit shqiptar. Ajo tregon edhe për efektet që do të kenë armët kimike në vendin tonë për breza me radhë.

‘Nëse në Shqipëri do të vdesin, do të vdesin për shkak të politikanëve të saj’, kështu përfundon letra drejtuar Obamës./shekulli