OPCW diskuton për armët kimike!

HAGË - Këshilli Ekzekutiv i Organizatës Kundër Armëve Kimike (OPCW) është mbledhur sot në Hagë (Holandë) për të marrë një vendim lidhur me shkatërrimin e armëve kimike të Sirisë.

Vendet anëtarë të OKB-së që janë pjesë e OPCW-së do të debatojnë për këtë çështje dhe pritet të merret një vendin për zbatimin e marrëveshjes SHBA-Rusi, që parandaloi një ndërhyrje ushtarake në Siri. Zëdhënësi i organizatës që ka 190 anëtarë, Christian Chartier, ka deklaruar se nuk është e qartë nëse do të ketë një vendim.

41 vendet anëtare të Këshillit Ekzekutiv të OPCW do të shqyrtojnë mundësitë se në cilin vend mund të asgjësohen 1 300 ton lëndë kimike, për të cilat Siria ka shprehur dëshirën që ky proces të kryhet jashtë territorit të saj. Vendimi merret me votë unanime. Mbledhja ka nisur në orëm 09:00 dhe deri tani nuk ka asnjë njoftim.

Rusia dhe SHBA-të kanë rënë dakord të stoku i lëndëve kimike të largohet nga Siria deri në fund të këtij viti dhe të realizohet procesi i asgjësimit deri në mesin e vitit 2014. Por, në dy vendet ku kishte më shumë mundësi që të realizohej ky proces, Norvegji dhe Shqipëri ka pasur reagime të ashpra të ambientalistëve. Norvegjia e refuzoi kërkesën e SHBA-ve. Ndërsa Shqipëria ende nuk ka dhënë një përgjigje.

/Shekulli Online/F.S./