Stacioni Hapësinor Ndërkombëtar bën 15 vjet, ja sesi lindi!

Stacioni Hapësinor Ndërkombëtar mbush 15 vjet. Ishte 20 nëntor 1998 kur moduli i parë rus "Zarya" hidhej në orbitë, pas lëshimit nga kozmodromi rus i Baikonurit në Kazakistan. Dy javë më pas, më 5 dhjetor me misionin Sts-88, "Space Shuttle Endeavour" dërgonte në orbitë nyjen-1 "Unity", duke krijuar bërthamën e parë të bazës së ardhshme hapësinore.

Aktualisht, modulet që përbëjnë ISS janë 15, ndërkohë që në 2014-n do të shtohet edhe një i gjashtëmbëdhjetë, rusi Mlm "Nauka". Stacioni Hapësinor Ndërkombëtar (ISS) gjendet në një orbitë të ulët në rreth 400 metra nga sipërfaqja tokësore dhe vërtitet rreth planetit me një shpejtësi prej 28 mijë km/h, duke kryer rreth 16 orbita në çdo 24 orë.

Nga viti 2000 është e banuar në mënyrë të pandërprerë prej astronautëve dhe kozmonautëve, ndërsa nga 2001-shi është edhe një lloj laborator kërkimi shkencor plotësisht operativ. Ky Stacion Hapësinor përfaqëson pa frikë projektin më të madh të bashkëpunimit botëror, ndërkohë që 5 janë shtetet e përfshira: SHBA me NASA, Rusia me Roscosmos, Japonia me Jaxa, Kanadaja me CSA dhe Bashkimi Evropian me ESA.